+ وێنه: وه‌زاره‌تی كار، كۆنفرانسێك تایبه‌ت به‌كۆچی گه‌نجان به‌ڕێوه ده‌بات
ڕۆژانی چوار شه‌ممه‌و پێنجشه‌ممه، 22و 23ی 2ی 2017، له‌هۆڵی سه‌عد عه‌بدوڵڵا له‌شاری هه‌ولێر، به ئاماده‌بوونی ژماره‌یه‌ك له به‌رپرسانی حكومی‌‌و ڕێكخراوه نێوده‌وڵه‌تی‌‌و نێو خۆییه‌كان‌و ژماره‌یه‌ك له گه‌نجان‌و كه‌سایه‌تییه ئه‌كادیمییه‌كان، له‌شاری هه‌ولێر وه‌زاره‌تی كارو كاروباری كۆمه‌ڵایه‌تی به هاوكاری سندوقی نه‌ته‌وه یه‌كگرتووه‌كان بۆ دانیشتوان كۆنفرانسی "كۆچی گه‌نجان، هۆكارو كاریگه‌ری‌و چاره‌سه‌ر"ی به‌ڕێوه‌برد.
له كۆنفرانسه‌كه‌دا سه‌ره‌ڕای وتاری وه‌زاره‌تی كار له‌لایه‌ن د.موحه‌ممه‌د هاودیانی، وه‌زیری كارو كاروباری كۆمه‌ڵایه‌تی، وتاری هه‌ریه‌كه له نه‌وزاد هادی پارێزگاری هه‌ولێرو نوێنه‌ری سندوقی نه‌ته‌وه‌یه‌كگرتووه‌كان بۆ دانیشتوان (unfpa) پێشكه‌شكرا، پاشان له‌ماوه‌ی دوو ڕۆژدا ژماره‌یه‌ك پانێڵی جۆراو جۆرو خرانه‌ڕوو، هه‌روه‌ها گفتوگۆی پانێڵه‌كانیش له‌لایه‌ن ئاماده‌بووانه‌وه به‌ڕێوه‌چوو، دواتر له كۆتایی ڕۆژی دووه‌مدا ده‌رئه‌نجامه‌كانی كۆنفرانسه‌كه له‌لایه‌ن د.موحه‌ممه‌د هاودیانی وه‌زیری كارو كاروباری كۆمه‌ڵایه‌تییه‌وه خرایه ڕوو.
|