بەڕێوه‌به‌ری گشتی پێشوازی له دوو ئه‌ندامی لیژنه‌ی كاروباری كۆمه‌ڵایه‌تی ئه‌نجومه‌نی پارێزگای سلێمانی ده‌كات
ڕۆژی دوو شه‌ممه، 20ی 2ی 2 به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئاشتی ئیبراهیم، جێگری به‌ڕێوه‌به‌ری گشتی‌‌و شیلان عه‌بدوڵڵا، به‌رپرسی شه‌ڵته‌ری داڵده‌دانی ئافره‌تانی هه‌ڕه‌شه‌لێكراو، پێشوازی له هه‌ریه‌كه له ئاڤان جه‌مال‌و نیاز ئه‌حمه‌د، ئه‌ندامانی لیژنه‌ی كاروباری كۆمه‌ڵایه‌تی له ئه‌نجومه‌نی پارێزگای سلێمانی كرد.
له دیداره‌كه‌دا گفتوگۆ له‌سه‌ر كاره‌كانی به‌ڕێوه‌به‌رایه‌تی گشتی كرا به شێوه‌یه‌كی گشتی، به‌تایبه‌ت دۆسیه‌ی ئافره‌تان‌و گرفته‌كانیان‌و كاره‌كانی شه‌ڵته‌ری داڵده‌دانی ئافره‌تانی هه‌ڕه‌شه‌لێكراو، له دانیشتنه‌كه‌دا به‌ڕێوه‌به‌ری گشتی به شێوه‌یه‌كی گشتی كاره‌كانی به‌ڕێوه‌به‌رایه‌تی گشتی‌‌و ئاسته‌نگه‌كانی كاری خستنه‌ڕوو، هه‌روه‌ك هیوای خواست به پێی تواناو بواری خۆیان ئه‌نجومه‌نی پارێزگای سلێمانی هاوكاربێت له باشكردنی دۆخی خزمه‌تگوزارییه‌كان به‌تایبه‌ت له خزمه‌ت ئافره‌تاندا.
دواتر هه‌ردوو ئه‌ندامی ئه‌نجومه‌ن سه‌ردانی شه‌ڵته‌ری داڵده‌دنی ئافره‌تانی هه‌ڕه‌شه‌لێكراویان كردو له نزیكه‌وه دۆخی شه‌ڵته‌رو ئه‌و ئافره‌تانه‌ی له‌وێ داڵده‌دراون به‌سه‌ركرده‌وه.
|