ڕۆڵی به‌ڕێوه‌به‌رایه‌تی گشتی له پاراستنی مافه‌كاندا به بایه‌خه‌وه هه‌ڵسه‌نگێنرا
.jpg)
ڕۆژی پێنجشه‌ممه، 9ی 2ی 2017، ۆرك شۆپێكی تایبه‌ت به مافه‌كانی مرۆڤ به‌ناونیشانی (ناساندنی بنەماکانی مافی مرۆڤ لە چوارچێوەی پرۆژەی هەڵمەتی بڵاوکردنەوە‌و بەهێزکردن‌و پاراستنی مافی مرۆڤ لە عێراق/ پارێزگای سلیمانی) له هۆڵی تایتانیك له شاری سلێمانی به‌ڕێوه‌چوو و تیایدا نوێنه‌ری به‌ڕێوه‌به‌رایه‌تی گشتیمان به‌شداربوو.
هیوا رەحمان رحیم، ڕاوێژكاری یاسایی وه‌ك نوێنه‌ری بەرێوەبەرایەتی گشتی چاودێریی‌‌و گەشەپێدانی کۆمەڵایەتی له پارێزگای سلێمانی کە بەشدار بوو لە ۆرکشۆپەکەدا بەماڵپەری گشتیمانی راگەیاند:" لە پارێزگای سلیمانی تیمێک بۆ (ناساندنی بنەماکانی مافی مرۆڤ لە چوارچێوەی پرۆژەی هەڵمەتی بڵاوکردنەوە‌و بەهێزکردن‌و پاراستنی مافی مرۆڤ لە عێراق/ پارێزگای سلیمانی) له (9) ئه‌ندام پێکهات لەوانە نوێنەری (پارێزگا‌و دەزگاکانی ئاسایش‌و پۆلیس‌و رێکخراوەکان‌و پەروەردە‌و کاروباری کۆمەڵایەتی) تێدایە".
نوێنەری بەرێوەبەرایەتی گشتی چاودێری‌‌و گه‌شه‌پێدانی كۆمه‌ڵایه‌تی، له‌باره‌ی ڕۆڵی به‌ڕێوه‌به‌رایه‌تی گشتیمانه‌وه له‌و بواره‌دا وتی: " خۆشبەختانە بەشانازییەوە باس لە رۆڵی بەرێوەبەرایەتی گشتیمان‌و سەرجەم بەرێوەبەرایەتیەکان کرا‌و بوون بە ئەندام بوونمان بە گرنگ زانرا له‌و نوێنه‌رایه‌تییه‌دا بۆ به‌رگریكردن له مافه‌كان‌و بڵاوكردنه‌وه‌ی هوشیاری تایبه‌ت به مافه‌كانی مرۆڤ له سنوری پارێزگای سلێمانی".
لەو ۆرکشۆپەدا هیوا رەحمان، بابەتێکی لەسەر سودمەندانی سەرجەم بەرێوەبەرایەتیەکانی سنوری به‌ڕێوه‌به‌رایه‌تی گشتی پێشکەشکرد بۆ بەرچاو روونی ئەندامان‌و به‌شداربووانی ۆرك شۆپه‌كه.
|