ئاگاداری
به‌مه‌به‌ستی خستنه‌ڕووی شێوازی كارو چۆنییه‌تی به‌ڕێوه‌چوونی پڕۆژه‌ی (پاراستنی منداڵ)، به‌شی پارێزگاری خێزان هه‌ڵده‌ستێت به سازدانی سیمینارێك له دیوانی به‌ڕێوه‌به‌رایه‌تی گشتی به‌ناونیشانی (پڕۆژه‌ی پاراستنی منداڵ، ئامانجه‌كانی‌‌و بایه‌خ‌و گرنگییه‌كه‌ی) بۆ كارمه‌ندانی دامه‌زراوه كۆمه‌ڵایه‌تییه‌كانی سنوری به‌ڕێوه‌به‌رایه‌تی گشتی.
له سیمیناره‌كه‌دا سه‌رپه‌رشتیارانی پڕۆژه‌كه هه‌ڵده‌ستن به ڕوونكردنه‌وه‌ی كاره‌كانی پڕۆژه‌كه له ڕووی هونه‌ری‌‌و ته‌كنیكی‌و ئاستی هێنانه‌دی ئامانجه‌كانی‌‌و گرنگی‌‌و بایه‌خی پڕۆژه‌كه بۆ منداڵ‌و كاری كۆمه‌ڵایه‌تی به‌ڕێوه‌به‌رایه‌تی گشتیمان له‌و بواره گرنگه‌دا له‌ماوه‌ی ساڵی 2016دا، هه‌روه‌ها ئه‌و میكانیزم‌و پێوه‌رو سیستمانه‌ی ڕێكخراوی یونسێف وه‌ك پاڵپشت‌و پشتیوان په‌یڕه‌ویان لێده‌كات له كاری پڕۆژه‌كه‌دا.
ڕۆژ: سێشه‌مه، 14ی 2ی 2017 .
كات: سه‌عات 12.00 بۆ 2.00 ی پاشنیوه‌ڕۆ .
شوێن: هۆڵی بۆنه‌كان له دیوانی به‌ڕێوه‌به‌رایه‌تی گشتی.
تێبینی: مافی به‌شداربوون بۆ به‌رپرسان‌و كارمه‌ندانی سنوری به‌ڕێوه‌به‌رایه‌تی گشتیمانه‌‌و ئاره‌زوومه‌ندان بۆ به‌شداریكردن‌و ئاماده‌بوون پێویسته ناوی خۆیان له به‌شی ڕاگه‌یاندن تۆماربكه‌ن له ڕێگه‌ی ژماره ته‌له‌فوونی (07701920334) تا ئاماده‌كاری بۆ باش به‌ڕێوه‌چوونی سیمیناره‌كه بكرێت له رووی شوێنه‌وه.
ڕاگه‌یاندنی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی
8/2/2017