له درێژه‌ی به‌خشینه‌كان به‌صندوقی هاوكاری كۆمه‌ڵایه‌تی سلێمانی‌‌و پاش كۆتاییهاتنی ئهو كه‌مپینه‌ی له كۆتایی ساڵی ڕابردوو ڕاگه‌یه‌نرابوو، له مانگی 1ی ئه‌مساڵ، بڕێكی تر له هاوكاری له‌لایه‌ن خێرخوازان‌و چاكه‌كارانه‌وه پێشكه‌ش به‌‌و صندوقه كراوه.
بڕی ئهو پارانه‌ی به دیناری عێراقی له ماوه‌ی مانگی یه‌كداو له ڕۆژی 1ی 1ی 2017 تا 31ی 1ی 2017 پێشكه‌ش به صندوقی هاوكاری كۆمه‌ڵایه‌تی سلێمانی كراون بریتین له(7,671,250 - حه‌وتملیۆن‌و شه‌ش سه‌دو حه‌فتاو یه‌ك هه‌زارو دوو سه‌دو په‌نجا) دینار كه له‌لایه‌ن 17 هاووڵاتی‌‌و چاكه‌خوازه‌وه پێشكه‌شكراوه‌و به دۆلاری ئه‌مریكیش بریتییه له (3200 - سێ هه‌زارو دوو سه‌د) دۆلار كه له‌لایه‌ن حه‌وت هاووڵاتی‌‌و چاكه‌خوازه‌وه پێشكه‌ش كراوه.
صندوقی هاوكاری كۆمه‌ڵایه‌تی سلێمانی به‌پێی ڕێنمایی وه‌زاره‌تی دارایی كارده‌كات‌و بڕه پاره‌كان له ڕێگه‌ی لیژنه‌و به‌پێ وه‌سڵ وه‌رده‌گیرێن‌و دواتریش به پێی پێویستی خانه‌كانی نه‌وجه‌وانان‌و به‌ساڵاچووان‌و په‌ككه‌وته‌كان‌و ئافره‌تانی هه‌ڕه‌شه‌لێكراو خه‌رج ده‌كرێن، هه‌موو پرۆسه‌كه‌ش به ڕێنمایی به‌ڕێوه ده‌چێت‌و شوێنی هه‌ڵگرتنی پاره‌كانیش حسابی تایبه‌ت به صندوقه‌كه‌یه له بانكی سه‌لام له سلێمانی‌‌و به پێی پێویستی خانه‌كان‌و سودمه‌نده‌كانیان لێی خه‌رج ده‌كرێت.
ڕاگه‌یاندنی داهاته‌كانیش له سایتی فه‌رمی به‌ڕێوه‌به‌رایه‌تی گشتییه‌وه به شێكه له پابه‌ندی به شه‌فافییه‌ت‌و سوپاسكردنی ئهو هاووڵاتیه چاكه‌خوازانه‌ی كه به‌بێ به‌رانبه‌ر پشتیوانی صندوقه‌كه ده‌كه‌ن.
هیوادارین هاووڵاتیان‌و چاكه‌خوازان‌و به‌خشده به‌ڕێزه‌كان به‌رده‌وام بن له پشتیوانیكردنی صندوقه‌كه به‌هه‌ر ڕێگه‌یه‌ك ده‌توانن.
صندوقه‌كه تایبه‌ته به خانه‌كانی نه‌وجه‌وانان، ساوایان، به‌ساڵاچووان‌و داڵده‌دانی ئافره‌تانی هه‌ڕه‌شه‌لێكراو‌و سه‌ر به به‌ڕێوه‌به‌رێتی چاودێریی كۆمه‌ڵایه‌تی سلێمانییه كه دیوانه‌كه‌ی له گه‌ڕه‌كی به‌كره‌جۆی شاری سلێمانیه‌و یه‌كێكه له به‌ڕێوه‌به‌رایه‌تییه‌كانی سنوری به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، وه‌زاره‌تی كارو كاروباری كۆمه‌ڵایه‌تی.
ئه‌م دوو لیسته‌ی خواره‌وه‌ش بڕی پاره‌كان‌و ناوی چاكه‌خوازه‌كان‌و ڕۆژی به‌خشین‌و ژماره‌ی وه‌سڵی به‌خشینه‌كانیانه: