هه‌ماهه‌نگی نێوان زانكۆو فه‌رمانگه حكومییه په‌یوه‌ندیداره‌كان دووپاتكرایه‌وه
به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی پێشوازی له سه‌رۆكی به‌شی كاری كۆمه‌ڵایه‌تی له كۆلێجی زانسته مرۆڤایه‌تییه‌كان له زانكۆی سلێمانی ده‌كات‌و باس له هه‌ماهه‌نگی نێوانیان كرا .
پاشنیوه‌ڕۆی ئه‌مڕۆ پێنجشه‌ممه، 14ی كانونی دووه‌می 2016، عومه‌ر گوڵپی به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به ئاماده‌بوونی سۆران حه‌مه‌سه‌عید لێپرسراوی به‌شی پلان‌و هه‌ماهه‌نگی‌‌و ئاره‌زوو غه‌فوور لێپرسراوی به‌شی چاودێریی خێزان‌و ئاراس ناسر لێپرسراوی هۆبه‌ی توێژینه‌وه پێشوازی كرد له د.لوقمان ساڵح سه‌رۆكی به‌شی كاری كۆمه‌ڵایه‌تی له كۆلێجی زانسته مرۆڤایه‌تییه‌كان‌و فه‌ره‌یدون موحه‌ممه‌د مامۆستاو وته‌بێژی زانكۆی سلێمانی .
له‌و دیداره‌دا كه ئامانج لێی هه‌ماهه‌نگی زانكۆو فه‌مانگه كۆمه‌ڵایه‌تییه‌كان بوو له پێناو پێگه‌یاندنی خوێندكارانی به توانا له بواری كاری كۆمه‌لایه‌تیدا، هه‌ردوو لا ڕێككه‌وتن له‌سه‌ر ئه‌وه‌ی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی‌‌و فه‌رمانگه‌كانی هاوكاری كۆلێج بكه‌ن له پێدانی زانیاریی‌‌و ده‌ستنیشانكردنی گرنگترینی ئه‌و بوارو چه‌مكانه‌ی پێویستن له ڕووی پراكتیكه‌وه بۆ ئه‌وه‌ی زیاد بكرێن بۆ پڕۆگرامه‌كانی خوێندن‌و خوێندكارانی پێ ئاشنا بكرێن، ئه‌مه سه‌ره‌ڕای كارئاسانی بۆ ڕاهێنان‌و به‌شداری چالاكانه‌ی خوێندكاران له بواری مه‌یدانی كاری كۆمه‌لایه‌تیدا، هه‌روه‌ك به‌شی كاری كۆمه‌ڵایه‌تیش له زانكۆی سلێمانی ئاماده‌ی پێشكه‌شكردنی توانا زانستییه‌كانی خۆی ده‌بێت بۆ به‌هێزكردنی كادیران‌و توێژه‌رانی بواره جیاجیاكانی كاری كۆمه‌ڵایه‌تی له فه‌رمانگه‌كانی سه‌ر به به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌لایه‌تی، بڕیاروایه له ئاینده‌دا زیاتر له‌مباره‌یه‌وه هه‌ماهه‌نگی بكرێت‌و هه‌ردوولا ناوه‌ڕۆكی ئه‌م دیداره‌دا بخه‌نه بواری جێبه‌جێكردنه‌وه .
|