ژیان‌و كاری ڕۆژانه‌ی كارمه‌ندێكی كۆمه‌ڵایه‌تی ده‌نگدانه‌وه‌یه‌كی زۆر به دوای خۆیدا ده‌هێنێت
پاش بڵاوبوونه‌وه‌ی فیچه‌رێك به‌ناوی ( ژنێكی میهره‌بان) له تۆڕی میدیایی ڕووداو، تایبه‌ت به ژیان‌و كاری كارمه‌ندێكی خانه‌ی ساوایان به‌ناوی كه‌ژاڵ ئیبراهیم، كه باس له ژیان‌و كاری ڕۆژانه‌ی ئه‌و داده‌یه ده‌كات، له تۆڕی كۆمه‌ڵایه‌تی سۆشیه‌ڵ میدیا ده‌نگدانه‌وه‌یه‌كی به‌رچاوی به دوای خۆیدا هێنا.
به‌رنامه‌كه باس له كاری ڕۆژانه‌ی كارمه‌ندێكی خانه‌ی ساوایانه له به‌ڕێوه‌به‌رێتی چاودێریی كۆمه‌ڵایه‌تی سلێمانی، پاش بڵاوبوونه‌وه‌ی به‌رنامه‌كه، هاووڵاتیان له تۆڕه كۆمه‌ڵایه‌تییه‌كانه‌وه به‌شێوه‌یه‌كی به‌رفراوان سه‌رسامی خۆیان به ئه‌دای ئه‌و كارمه‌نده‌‌و پیشه‌كه‌ی ده‌ربڕی.
فیچه‌ره‌كه ببینه:
به‌رنامه‌كه (فیچه‌ره‌كه) له‌لایه‌ن ڕۆژنامه‌نووسی به توانا، شادیه ڕه‌سوڵ ئاماده‌كراوه‌‌و ڕۆژی 9ی 1ی 2017 له كه‌ناڵی ڕووداو په‌خش بوو.
ئه‌و به‌رنامه‌یه له سایتی دیجیتاڵ میدیای ڕووداو زیاتر له 47 هه‌زار بینه‌ری هه‌بووه، هه‌ر وه‌ك له سایته‌كه‌شدا نزیكه‌ی 5 هه‌زار به‌شداربوو سه‌رسامی خۆیان به كاری ئه‌و داده‌یه‌و به‌رنامه‌كه ده‌ربڕیوه.
له په‌یجی تایبه‌تی ڕووداو له تۆڕی كۆمه‌ڵایه‌تی فه‌یس بووك، فیچه‌ری (ژنێكی میهره‌بان) زیاتر له 230 هه‌زار جار بینراوه‌و 11 هه‌زار جار لایك كراوه‌و 1218 جار شه‌یر كراوه، 1400 كه‌سیش بۆچوون(كۆمێنت)ی خۆیان له‌باره‌ی ئه‌و فیچه‌ره‌وه نووسیوه، زۆرینه‌ی كۆمێنته‌كانیش وه‌سف‌و ستایشی كاری دامه‌زراوه كۆمه‌ڵایه‌تییه‌كان‌و ئه‌دای ئه‌و خانمه ده‌كه‌ن كه وه‌ك به‌خێوكاری منداڵ كار ده‌كات، هێندێك له هاووڵاتیانیش له كۆمێنته‌كانیاندا ڕه‌خنه‌ی ئه‌وه ده‌گرن كه ده‌بوو حكومه‌ت‌و وه‌زاره‌تی كار‌و كاروباری كۆمه‌ڵایه‌تی گرنگی زیاتر به خانه‌كان بدات‌و ئه‌و داده‌یه وه‌ك كارمه‌ندی هه‌میشه‌یی دابمه‌زرێنێت‌و مووچه‌كانیشیان بگه‌یه‌نێته ئاستێكی باش كه به‌شی بژێوی ژیانیان بكات.
ئه‌مانه‌ی خواره‌وه ته‌نها نمونه‌ی بۆچوونی هاووڵاتیان له‌تۆڕی كۆمه‌ڵایه‌تی فه‌یس بووك، سه‌ردانی ئه‌م لینكه بكه‌و ته‌واوی كۆمێنت‌و بۆچوونه‌كان بخوێنه‌ره‌وه.
|