پاسه‌وانی دڵه‌كان، چیرۆكی ژیانی دایكێكی میهره‌بان
چیرۆك‌و ژیانی كارمه‌ندانی خانه‌كان جێگه‌ی سه‌رنجی كه‌ناڵه‌كانی ڕاگه‌یاندنه، هه‌ربۆیه ناوبه‌ناو ڕیپۆرت‌و به‌رنامه‌ی تایبه‌تی له‌باره‌وه ئه‌نجام ده‌ده‌ن.
له فیچه‌رێكدا، كه‌ناڵی ڕووداو، ژیانی ڕۆژانه‌ی دایكێكی میهره‌بان به‌ناوی كه‌ژاڵ، ده‌كاته بابه‌تی خۆی، كه‌ژاڵ یه‌كێكه له ستافێكی 26 كه‌سی خانه‌ی ساوایان، كه ته‌نها خانه‌یه‌كه له هه‌موو كوردستان توانای به‌خێوكردنی منداڵی ساوای هه‌یه له ته‌مه‌نی 1 ڕۆژی بۆ 4 ساڵ.
له ئێسته‌دا خانه‌كه 24 منداڵی له خۆگرتووه‌‌و ته‌واوی خزمه‌تگوزاری خواردن‌و خه‌وتن‌و پاككردنه‌وه‌و شۆردن‌و ته‌ندروستی پێشكه‌ش به منداڵه‌كان ده‌كرێت.
خانه‌كه یه‌كێكه له چوار خانه‌ی سه‌ر به به‌ڕێوه‌به‌رایه‌تی چاودێریی كۆمه‌ڵایه‌تی سلێمانی، به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، وه‌زاره‌تی كارو كاروباری كۆمه‌ڵایه‌تی، حكومه‌تی هه‌رێمی كوردستان.
|