كۆبوونه‌وه‌ی وه‌فدی بانكی ده‌ولی‌‌و به‌ڕێوه‌به‌رایه‌تی گشتی به‌ڕێوه‌چوو
به‌مه‌به‌ستی گفتوگۆی ستراتییجیه‌كانی چاكسازی له بواری هاوكارییه كۆمه‌ڵایه‌تییه‌كان‌و پاراستنی هه‌ژاران، به سه‌رپه‌رشتی به‌ڕێوه‌به‌ری گشتی، كۆبوونه‌وه‌ی وه‌فدی بانكی ده‌ولی‌‌و به‌ڕێوه‌به‌رانی تۆڕی پاراستنی كۆمه‌ڵایه‌تی له سنوری پارێزگای سلێمانی به‌ڕێوه‌چوو.
ڕۆژی یه‌كشه‌ممه، 8ی 1ی 2017، به سه‌رپه‌رشتی عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، كۆبوونه‌وه‌یه‌ك له نێوان وه‌فدی بانكی ده‌ولی له كوردستان به‌سه‌رۆكایه‌تی غه‌سان خۆجه‌‌و به‌ڕێوه‌به‌ری تۆڕی پاراستنی كۆمه‌ڵایه‌تی سلێمانی‌‌و به‌ڕێوه‌به‌رانی چاودێریی كۆمه‌ڵایه‌تی له چه‌مچه‌ماڵ‌و ده‌ربه‌ندیخان‌و ڕانیه‌‌و به‌رپرسانی هۆبه‌كانی تۆڕی پاراستن له‌و به‌ڕێوه‌به‌رێتییانه كۆبوونه‌وه‌یه‌ك له دیوانی به‌ڕێوه‌به‌رایه‌تی گشتی به‌ڕێوه‌چوو.
ئامانجی كۆبوونه‌وه‌كه بریتیبوو له گفتوگۆی ئه‌و ستراتییجیانه‌ی كه له بواری چاكسازی هاوكارییه كۆمه‌ڵایه‌تییه‌كان‌و پاراستنی كۆمه‌ڵایه‌تی كه بانكی ده‌ولی بۆ هه‌رێمی كوردستانی پێشنیاركردوون كه خۆیان له باشتر ده‌ستنیشانكردنی هه‌ژاران‌و پاراستنیاندا ده‌بینێته‌وه‌و دانانی میكانیزمێك بۆ ئه‌وه‌ی ئه‌و ئامانجه بهێنێته دی كه له پێناویدا پاره‌و هاوكارییه كۆمه‌ڵایه‌تییه‌كان ته‌رخان ده‌كرێن.
|