ئه‌و 41 ناوه‌ی مووچه‌كانیان ڕاگیرابوو با سه‌ردانی تۆڕی پاراستنی كۆمه‌ڵایه‌تی سلێمانی بكه‌ن
ئه‌و 41 ناوه‌ی مووچه‌كانیان ڕاگیرابوون له ئێسته‌دا ده‌توانن سه‌ردانی تۆڕی پاراستنی كۆمه‌ڵایه‌تی سلێمانی بكه‌ن‌و پشتگیریی وه‌رگرن تا مووچه‌كانیان بۆ خه‌رج بكرێت كه هی هه‌ردوو مانگی 4و 5ی 2016یه.
به پێی نووسراوی ژماره (3) له 2ی 1ی 2017ی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، ئه‌و 41 ناوه‌ی به‌هۆی لێكچوون‌و كه‌می زانیارییه‌كانیانه‌وه مووچه‌كانیان ڕاگیرابوون له ئێسته‌دا ڕه‌زامه‌ندی وه‌رگیراوه بۆ خه‌رجكردنیان.
له‌ماوه‌ی 3 مانگی ڕابردوودا 62 هاووڵاتی خاوه‌ن پێداویستی تایبه‌ت به بڕیاری وه‌زاره‌تی كارو كاروباری كۆمه‌ڵایه‌تی‌‌و له‌سه‌ر داوای وه‌زاره‌تی دارایی مووچه‌كانیان ڕاگیرابوو، بۆ ئه‌و مه‌به‌سته تۆڕی پارستنی كۆمه‌ڵایه‌تی سلێمانی مووچه‌كانی له بانك ڕاگرتن تا ئه‌وكاته‌ی زانیارییه‌كانیان ده‌هێنن، چاش دوو مانگ له چاوه‌ڕوانی ته‌نها 41 كه‌س له‌وانه زانیارییه‌كانیان هێناو دۆسیه‌كانیان ته‌واو كرد، پاش ناردنه‌وه‌ی زانیارییه‌كان به ته‌واوه‌تی بۆ وه‌زاره‌ت له ئێسته‌دا ڕه‌زامه‌ندی خه‌رجكردنی مووچه‌ی ئه‌و هاووڵاتیانه گه‌ڕاوه‌ته‌وه‌و ده‌توانن سه‌ردانی تۆڕی پاراستنی كۆمه‌ڵایه‌تی سلێمانی بكه‌ن بۆ وه‌رگرتنی پشتگیریی تا مووچه‌ی مانگه‌كانی 4و 5ی 2016 كه له بانكه وه‌ربگرن.
ئه‌م لیستانه‌ی خواره‌وه ئه‌و 41 هاووڵاتیه خاوه‌ن پێداویستییه تایبه‌ته‌ن:
|