به‌ڕێوه‌به‌ری گشتی به‌ڕێوه‌به‌رێتی چاودێریی كۆمه‌ڵایه‌تی ده‌ربه‌ندیخان به‌سه‌رده‌كاته‌وه‌‌و ده‌ستخۆشی له كاری كارمه‌ندان ده‌كات
له‌میانه‌ی سه‌ردانێكیدا بۆ شاری ده‌ربه‌ندیخان، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی، به‌ڕێوه‌به‌رایه‌تی چاودێریی كۆمه‌ڵایه‌تی ده‌ربه‌ندیخانی به‌سه‌ركرده‌وه‌و له‌گه‌ڵ كارمه‌ندان كۆبوویه‌وه.
ڕۆژی چوارشه‌ممه، 28ی 12ی 2016، له میانه‌ی گه‌شتێكدا بۆ قه‌زای ده‌ربه‌ندیخان، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به هاوڕێیه‌تی ئاراس ناسر، به‌رپرسی هۆبه‌ی توێژینه‌وه له دیوانی به‌ڕێوه‌به‌رایه‌تی گشتی، سه‌ردانی ئائمقامییه‌تی قه‌زای ده‌ربه‌ندیخانی كردو له‌وێ هه‌ریه‌كه له به‌ڕێوه‌به‌رێتی چاودێریی كۆمه‌ڵایه‌تی ده‌ربه‌ندیخان‌و دایه‌نگه‌ی ده‌ربه‌ندیخان‌و سه‌نته‌ری پاراستنی منداڵانی ده‌ربه‌ندیخانی به‌سه‌ركرده‌وه‌و له‌گه‌ڵ كارمه‌ندان كۆبوویه‌وه.
له‌سه‌ردان‌و كۆبوونه‌وه‌كه‌یدا له‌گه‌ڵ كارمه‌ندان، به‌ڕێوه‌به‌ری گشتی ده‌ستخۆشی له به‌رزان كه‌ریم، به‌ڕێوه‌به‌ری چاودێریی كۆمه‌ڵایه‌تی ده‌ربه‌ندیخان‌و سه‌رجه‌م كارمه‌ندانی كرد كه دڵسۆزانه له خزمه‌ت هاووڵاتیانی شاری ده‌ربه‌ندیخان‌و ده‌وروبه‌ریدا كارده‌كه‌ن‌و به‌وپه‌ڕی توانای خۆیانه‌وه هه‌وڵده‌ده‌ن ئه‌و ئه‌ركانه‌ی له‌سه‌رشانیانه به‌رانبه‌ر چین‌و توێژه جیاجیاكان‌و به‌جێبهێن‌و خزمه‌ته كۆمه‌ڵایه‌تییه‌كانیان بۆ هاووڵاتیان به‌رده‌وامی پێبده‌ن.
|