به‌ڕێوه‌به‌ری گشتی سه‌ردانی قائمقامییه‌تی قه‌زای ده‌ربه‌ندیخان ده‌كات
له‌میانه‌ی سه‌ردانێكیدا بۆ شاری ده‌ربه‌ندیخان، به‌ڕێوه‌به‌ری گشتی سه‌ردانی قائمقامی ده‌ربه‌ندیخانی كردو گفتوگۆیان له‌باره‌ی كێشه‌كانی هاووڵاتیان‌و فه‌رمانگه‌كان كرد.
ڕۆژی چوارشه‌ممه، 28ی 12ی 2016، له میانه‌ی گه‌شتێكدا بۆ قه‌زای ده‌ربه‌ندیخان، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به هاوڕێیه‌تی هه‌ریه‌كه له به‌رزان محمود، به‌ڕێوه‌به‌ری چاودێریی كۆمه‌ڵایه‌تی ده‌ربه‌ندیخان‌و ئاراس ناسر، به‌رپرسی هۆبه‌ی توێژينةوه له دیوانی به‌ڕێوه‌به‌رایه‌تی گشتی، سه‌ردانی ئائمقامییه‌تی قه‌زای ده‌ربه‌ندیخانى كردو له‌لایه ناسیح مه‌لا حه‌سه‌ن، ئائمقامی قه‌زاكه‌وه پێشوازیكرا.
له دیدارێكدا هه‌ردوولا گفتوگۆیان له‌باره‌ی كێشه‌كانی كارمه‌ندان‌و فه‌رمانگه‌كانی شاری ده‌ربه‌ندیخانه‌وه كرد، له‌و دیداره‌دا به‌ڕێوه‌به‌ری گشتی سوپاس‌و ده‌ستخۆشی ئاراسته‌ی قائمقامی ده‌ربه‌ندیخان كرد كه دڵسۆازنه بۆ سه‌رجه‌م فه‌رمانگه‌كان كارده‌كات‌و خه‌مخۆری هاووڵاتیان‌و فه‌رمانگه‌كانی شاره‌كه‌یه، هه‌روه‌ها سوپاسی پێشوازی‌‌و میوندارییه‌كه‌یانی كرد.
|