به‌ڕێوه‌به‌ری گشتی له‌گه‌ڵ ستافی په‌یمانگاكانی هیواو ڕووناكی‌‌و ئاوات‌و سه‌نته‌ری ڕۆشنا كۆده‌بێته‌وه
به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی به‌جیا له‌گه‌ڵ مامۆستاو توێژه‌رو كارمه‌ندانی هه‌ریه‌كه له په‌یمانگاكانی هیوای نابیستان‌و ڕووناكی نابینایان‌و ئاوات بۆ په‌روه‌رده‌ی مێشك‌و سه‌نته‌ری ڕۆشنا كۆبوونه‌وه.
ئه‌مڕۆ سێشه‌ممه، 27ی 12ی 2016، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی هه‌ریه‌كه له ئاشتی نوری، به‌ڕێوه‌به‌ری چاودێری كه‌مئه‌ندامان‌و موحه‌ممه‌د سه‌ید قادر، سه‌رپه‌رشتیاری یه‌كه‌می په‌روه‌رده‌یی له دیوانی به‌ڕێوه‌به‌رایه‌تی گشتی له دوو كاتی جیاوازدا له‌گه‌ڵ ستافی به‌ڕێوه‌بردن‌و مامۆستاو توێژه‌رو كارمه‌ندانی په‌یمانگاكانی هیوای نابیستان‌و ڕووناكی نابینایان‌و ئاوات بۆ په‌روه‌رده‌ی مێشك‌و سه‌نته‌ری ڕۆشنا بۆ كۆمپیوته‌رو ئینته‌رنێتی نابینایان كۆبوویه‌وه.
له كۆبوونه‌وه‌كه‌دا به‌ڕێوه‌به‌ری گشتی به وردی گوێی له گرفت‌و كێشه‌كانی مامۆستایان‌و په‌یمانگاكان گرت، هه‌روه‌ك له هه‌ر یه‌كه له كۆبوونه‌وه‌كاندا به‌ڕێوه‌به‌ری گشتی به بایه‌خه‌وه باسی له كاری په‌یمانگاو سه‌نته‌ره‌كانی تایبه‌ت به خاوه‌ن پێداویستی كردو ڕۆڵی ئه‌وانی له‌‌و خزمه‌ته پیرۆزه‌دا به‌رزنرخاند، هه‌روه‌ك له به‌شێكی وته‌كانیدا به‌ڕێوه‌به‌ری گشتی تیشكی خسته سه‌ر ئه‌و هه‌وڵانه‌ی به‌ڕێوه‌به‌رایه‌تی گشتی داویه‌تی له داكۆكیكردن له ماف‌و باشكردنی گرفته‌كانی مامۆستایان‌و په‌یمانگاكاندا، ئاماده‌بوونیشی دڵنیاكرده‌وه كه به هاوكاری ئه‌وان‌و ستافه‌كانی تری سنوری به‌ڕێوه‌به‌رایه‌تی گشتی به‌ڵێنی كارو دڵسۆزی له خزمه‌ت دامه‌زراوه كۆمه‌ڵایه‌تییه‌كاندا دووپاتده‌كاته‌وه.
جێی ئاماژه‌یه له كۆبوونه‌وه‌ی ستاف‌و په‌یمانگای هیوای نابیستاندا، سه‌رجه‌م گفتوگۆكان له‌لایه‌ن خاتوو گوڵاڵه‌وه وه‌رگێڕدرانه سه‌ر زمانی ئاماژه بۆ مامۆستاو كارمه‌ندانی نابیست.
|