لیژنه‌كانی كه‌مپینی پشتیوانی به‌رده‌وامن له كاروچالاكی
له چوارچێوه‌ی كاره‌كانی كه‌مپینی پشتیوانی له صندوقی هاوكاری كۆمه‌ڵایه‌تی سلێمانی كه ڕۆژی 30ی 11ی 2016 له پێناو به‌رژوه‌ندی خانه‌كانی منداڵان‌و به‌ساڵاچووان له‌لایه‌ن به‌ڕێوه‌به‌رایه‌تی گشتییه‌وه ڕاگه‌یه‌نرا، لیژنه‌ی په‌یوه‌ندییه‌كان به‌رده‌وامن له كاروچالاكی ڕۆژانه‌ی خۆیان‌و گه‌یاندنی په‌یامی كه‌مپینه‌كه.
به سه‌رپه‌رشتی هیوا ڕه‌حمان، سه‌رۆكی لیژنه‌ی په‌یوه‌ندییه‌كان، لیژنه‌ی په‌یوه‌ندییه‌كان ڕۆژانه په‌یامی كه‌مپینه‌كه ده‌گه‌یه‌نێته كۆمپانیاو كه‌سایه‌تی‌‌و هاووڵاتیان له‌ناو شاری سلێمانی، لیژنه‌كه‌ش به شێوه‌ی خۆبه‌خشانه كار ده‌كات‌و دڵسۆزانه ئه‌ركه‌كانی سه‌رشانیان له‌پێناو منداڵان‌و به‌ساڵاچووان‌و خانه‌كانیاندا ڕاده‌په‌ڕێنن.
په‌یامی كه‌مپینه‌كه بریتییه له پوخته‌ی ئامانجه‌كانی كه‌مپین‌و شێوازی به‌شداریكردن‌و چۆنییه‌تی وه‌رگرتنی هاوكارییه‌كان‌و خه‌رجكردنیان له خۆده‌گرێت.
.......................
كه‌مپینی پشتیوانی له صندوقی هاوكاری كۆمه‌ڵایه‌تی سلێمانی هه‌موو ڕۆژانی هه‌فته(شه‌ممه بۆ هه‌ینی)، له سه‌عات 8.30 سه‌رله‌به‌یانی بۆ 5.00 ی ئێواره، پێشوازی له خێرۆمه‌ندان‌و هاووڵاتیان ده‌كات.
ناونیشان: كۆمه‌ڵگه‌ی چاودێریی كۆمه‌ڵایه‌تی سلێمانی، شه‌قامی سه‌ره‌كی گه‌ڕه‌كی به‌كره‌جۆ، به‌رانبه‌ر دادنووسی به‌كره‌جۆ. (0533230322, 053 3160030 , 07731523984, 07700526517 ).
|