بەڕێوەبەری گشتی پێشوازی لە قونسوڵی هەماهەنگی و گەشەپێدانی ئەڵمانیا کرد.
.
ژیلوان عادل: "بەردەوامی هاوکارییەکانی ئەڵمانیا گرنگە بۆ پشتیوانی ژنان و منداڵان و کەمئەندامان"
سلێمانی – ئەمڕۆ سێشەممە، ١٥ی ئەیلوولی ٢٠٢٦
ژیلوان عادل شکور، بەڕێوەبەری گشتی چاودێری و گەشەپێدانی کۆمەڵایەتی، ئەمڕۆ سێشەممە لە سلێمانی پێشوازی لە کێرستین شیریستەر باخ، قونسوڵی هەماهەنگی و گەشەپێدانی ئەڵمانیا لە هەولێر، کرد.
لە کۆبوونەوەکەدا، گفتوگۆ و ئاڵوگۆڕی بۆچوون لەسەر دۆخی ژنان و پێویستییە کۆمەڵایەتییەکانیان، هەروەها بارودۆخی ماڵەکانی منداڵانی بێسەرپەرشت و دۆخی کەمئەندامان بەگشتی وخزمەتگوزارییە پێشکەشکراوەکان بۆیان کرا.
هەروەها، لە دیدارەکەدا باس لە هاوکاری و پشتگیرییەکانی ئەڵمانیا و ڕۆڵی ئەو هاوکارییانە لە بواری چاودێری و گەشەپێدانی کۆمەڵایەتی کرا، بە تایبەتی لە پڕۆژە و بەرنامەکانی پشتیوانی ژنان و منداڵان.
لە کۆتایی دیدارەکەدا، هەردوو لایەن جەختیان لە گرنگی بەردەوامبوونی هاوکاری و هەماهەنگییەکان بۆ خزمەتکردن بە کۆمەڵگە و بەرزکردنەوەی ئاستی خزمەتگوزارییە کۆمەڵایەتییەکان کرد.
|