به‌ڕێوه‌به‌ری گشتی پیشوازی له گروپێكی خۆبه‌خشی خوێندكارانی زانكۆی سلێمانی كرد
ئه‌مڕۆ دوو شه‌ممه، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، پێشوازی له گروپێكی خۆبه‌خشی له‌خوێندكارانی زانكۆی سلێمانی كرد كه به‌سه‌رپه‌رشتی م.ڕامان قه‌له‌نده‌ر سه‌ردانی به‌ڕێوه‌به‌رایه‌تی گشتیان كردبوو.
ئامانجی سه‌ردانه‌كه، كاركردن بوو له چوارچێوه‌ی خزمه‌تكردن به دامه‌زراوه كۆمه‌ڵایه‌تییه‌كان به‌شێوه‌ی خۆبه‌خشی، هه‌روه‌ك خسته‌ڕووی یه‌ك له چالاكییه خۆبه‌خشییه‌كانی گروپه‌كه بوو بۆ به‌ڕێوه‌به‌ر‌و به‌ڕێوه‌به‌رایه‌تی گشتی، له‌و باره‌یه‌وه به‌ڕێوه‌به‌ری گشتی ده‌ستخۆشی له گروپه‌كه‌و ئه‌ندامانی‌‌و سه‌رپه‌رشتیاره‌كه‌ی م.رامان كردو هیوای خواست له داهاتوودا كۆمه‌ڵگه‌كه‌مان باشتر سود له توانای گه‌نجه‌كانی وه‌ربگرێت له بواری كاری خۆبه‌خشی‌‌و چاكه‌ی كۆمه‌ڵایه‌تیدا، هه‌روه‌ك به بایه‌خه‌وه له كارورپڕۆژه‌كه‌ی ڕوانی‌‌و هانیدان له‌سه‌ر به‌رده‌وامی‌‌و كاری باشتر له داهاتوودا.
جێی ئاماژه‌یه گروپی خۆبه‌خشی خوێندكارانی زانكۆی سلێمانی گروپێكی نوێیه‌و له‌پێناو كاری خۆبه‌خشی‌‌و چاكه‌ی كۆمه‌ڵایه‌تیدا به‌سه‌رپه‌رشتی م.رامان قه‌له‌نده‌ر مامۆستای كۆلێجی زمان كارده‌كات‌و له یه‌كه‌م چالاكییاندا توانیویانه به شێوه‌ی خۆبه‌خشانه كاربكه‌ن له ئاماده‌كردنی فیستیڤاڵێكی دروستكردنی خواردن‌و فرۆشتنه‌وه‌ی به هاووڵاتیان‌و به‌خشینی داهاته‌كه‌ی به صندوقی هاوكاری كۆمه‌ڵایه‌تی سلێمانی كه ماوه‌ی زیاتر له 20 ڕۆژه كه‌مپینێكی بۆ ڕاگه‌یه‌نراوه.
|