ڕۆژی شەممە، 27ـی 6ـی 2026، ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، لەگەڵ سودمەندانی ماڵی بەساڵاچوان، بەشداری فێستیڤاڵی سولی فێستی کرد.

ئەم سەردانە لە چوارچێوەی بەرنامەکانی بەڕێوەبەرایەتی گشییە بۆ پشتگیری سودمەندانی ماڵی بەساڵاچوان بەشداریکردنیان لە چالاکییە کۆمەڵایەتی و کولتوورییەکان، بۆ ئەوەی بەساڵاچوانیش هەلی بەشداری و چێژوەرگرتنیان لە بۆنە گشتییەکاندا هەبێت.

فێستیڤاڵی"سولی فێست" لە پارکی هەواری شاری سلێمانی بەڕێوەدەچێت و چەندین چالاکی جۆراوجۆری هونەری و کولتووری تێدا پێشکەش دەکرێن و ماوەی هەشت ڕۆژ دەخایەنێت کە زیاتر لە 150 کۆشک و 100 چالاکی جۆراوجۆر لە بوارەکانی هونەر، وەرزش و خواردن لەخۆدەگرێت بە مەبەستی گەشەپێدانی ئابووری شاری سلێمانی.