به‌مه‌به‌ستی ڕه‌خساندنی هه‌لی زیاتر بۆ هاووڵاتیانی خاوه‌ن پێداویستی تایبه‌ت، پاشئه‌وه‌ی ژماره‌یه‌ك داواكاری بۆ درێژكردنه‌وه‌ی واده‌كه‌ی گه‌یشتنه به‌ڕێوبه‌رایه‌تیمان، بڕیارماندا به درێژكردنه‌وه‌ی دوا واده‌ی پێشكه‌شكردنی C.V بۆ چوونه پێشبڕكێی خه‌ڵاتی خاوه‌ن به‌هره تایبه‌ته‌كانه‌وه له 21ی 12ی 2016 ه‌وه بۆ 10ی 1ی 2017.
ڕاگه‌یاندنی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی
21ی 12ی 2016
خه‌ڵاتی خاوه‌ن به‌هره تایبه‌ته‌كان، خه‌ڵاتێكی تایبه‌ته بۆ هاووڵاتیانی خاوه‌ن پێداویستی تایبه‌ت به‌مجۆره‌ی خواره‌وه:
مه‌رجه‌كانی به‌شداریكردن:
1ـ پێویسته به‌شداربوو خاوه‌ن پێداویستی تایبه‌ت بێت به ڕێژه‌ی ( 65% له سه‌دا شه‌ست‌و پێنج).
2ـ به‌هره‌و داهێنان‌و سه‌ركه‌وتنێكی به‌رچاوی هه‌بێت له یه‌كێك له بواره‌كانی ژیاندا،( وه‌ك: كار‌و ده‌ستكه‌وتی نایاب، نووسین، خوێندن‌و بڕوانامه، پیشه‌‌و كاری ده‌ست، وه‌ستایی‌‌و ده‌ستڕه‌نگینی، سه‌ركرده‌یی بوون، .... زیاتریش).
3ـ دانیشتووی سنوری پارێزگاكانی سلێمانی‌‌و هه‌ڵه‌بجه‌و ئیداره‌ی ڕاپه‌ڕین بێت.
4ـ دواكات بۆ پێشكه‌شكردن بریتییه له ڕۆژی 10ى 1ى 2017.
چۆنییه‌تی پێشكه‌شكردن:
به‌شداربوو ده‌توانێت ڕاسته‌وخۆ سیڤی خۆی‌‌و كورته‌یه‌ك له‌باره‌ی ده‌ستكه‌وت‌و به‌هره‌و تواناكه‌یه‌وه بنێرێت بۆ به‌ڕێوه‌به‌رایه‌تی گشتیمان یان له ڕێگه‌ی ئه‌م ئیمه‌یله‌وه (
[email protected]) ئاراسته‌ی بكات.
بۆ زانیاریی زیاتر ده‌توانن سود له‌م ژماره ته‌له‌فوونانه وه‌رگرن: (0533230318 - 07731523984 - 077005266517) یان سه‌ردانی سایتی به‌ڕێوه‌به‌رایه‌تی گشتی (www.socialsuli.com) یان په‌یجمان له تۆری كۆمه‌ڵایه‌تی فه‌یس بووك (socialsuli@) بكه‌ن.