"هاوکاریەکان پێکهاتوون لە کورسی کەمئەندامی، برنج، جل و بەرگ، بەتانی، دایبی و ژمارەیەک پێداویستی تر"

ڕۆژی پێنج شەممە، 29ـی 1ـی 2026، بەسەرپەرشتی ژیلوان عادل شکور  ، نوێنەری وەزیری کارو کاروباری کۆمەڵایەتی، ئامادەبوونی، ژیار جەلال بەڕێوەبەری چاودێری کۆمەڵایەتی سلێمانی،  ئاریان ئەحمەد بەڕێوەبەری ڕاگەیاندنی وەزارەتی کارو کاروباری کۆمەڵایەتی، هاوکاریەکانی وەزارەتیان گەیاندە کەمینی کەزی بۆ لێقەوماوانی ڕۆژئاوای کوردستان.

هاوکاریەکان پێکهاتبوون لە کورسی کەمئەندامی، برنج، جل و بەرگ، بەتانی، دایبی و خۆراکی جۆراو جۆرو، ژمارەیەک پێداویستی تر، ئەوەی جێگەی باسە دایەنگەی سانی ناحکومی بەژمارەیەک لەپێداویستیەکان هاوکاری وەزارەتی کارو کاروباری کۆمەڵایەتی بوون.