خێزانێك به‌مجۆره پشتگیریی كه‌مپینی پشتیوانی صندوقی هاوكاری كۆمه‌ڵایه‌تی سلێمانی ده‌كه‌ن
ئه‌مڕۆ 18ی 12ی 2016، خێزانێك له شاری سلێمانی به بڕی 850 هه‌زار دینار هاوكارییان پێشكه‌ش به صندوقی هاوكاری كۆمه‌ڵایه‌تی سلێمانیكرد له چوارچێوه‌ی كه‌مپینی پشتیوانی له صندوقی هاوكاری كۆمه‌ڵایه‌تی سلێمانی.
له باره‌ی هاوكارییه‌كه‌یانه‌وه، ئه‌ندامێكی ئه‌و خێزانه كه نه‌یویست ناوی خۆی ئاشكرا بكات بۆ سایتی سۆشیه‌ڵ سولی وتی:" پاش بیستنی هه‌واڵی پێویستی خانه‌كانی منداڵان‌و به‌ساڵاچووان به هاوكاری، ده‌ستمكرد به كۆكردنه‌وه‌ی پاره له‌ناو ئه‌ندامانی خێزانه‌كه‌مدا، من خۆم پاره‌دار نیم، به‌ڵام به باوك‌و دایك‌و خوشك‌و براو خاڵ‌و مام‌و هێندێك خزمی تریشمه‌وه سوپاس بۆ خوا توانیمان ئه‌و بڕه پاره‌یه كۆبكه‌ینه‌وه‌و بیبه‌خشینه صندوقه‌كه، ده‌ستی كارمه‌ندانیش خۆش بێت كه به‌م ئه‌ركه پیرۆزه هه‌ڵده‌ستن‌و به‌رده‌وامن له كارو خزمه‌تكردنی منداڵان‌و به‌ساڵاچووان".
كه‌مپینی پشتیوانی له صندوقی هاوكاری كۆمه‌ڵایه‌تی سلێمانی به‌رده‌وامه له پێشوازی له هاووڵاتیان‌و چاكه‌كاران.
.....................................................................
كه‌مپینی پشتیوانی له صندوقی هاوكاری كۆمه‌ڵایه‌تی سلێمانی هه‌موو ڕۆژانی هه‌فته(شه‌ممه بۆ هه‌ینی)، له سه‌عات 8.30 سه‌رله‌به‌یانی بۆ 5.00 ی ئێواره، پێشوازی له خێرۆمه‌ندان‌و هاووڵاتیان ده‌كات.
ناونیشان: كۆمه‌ڵگه‌ی چاودێریی كۆمه‌ڵایه‌تی سلێمانی، شه‌قامی سه‌ره‌كی گه‌ڕه‌كی به‌كره‌جۆ، به‌رانبه‌ر دادنووسی به‌كره‌جۆ. (0533230322, 053 3160030 , 07731523984, 07700526517 ).
|