ئەمڕۆ پێنجشه‌ممه‌، 18ـی‌ 9ـی‌ 2025، ژیلوان عادل شکور، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌لایه‌ت له‌ پارێزگای‌ سلێمانی‌ بەوەکالەت، پێشوازیكرد له‌ شاندێكی‌ ڕێکخراوی نێودەوڵەتی کۆچ(IOM) پێكهاتبوون له‌ به‌ڕێزان ئاسۆ موسا ، بەرپرسی ئۆفیسی سلێمانی ئاژانسی نەتەوە یەکگرتووەکان بۆ کۆچ IOM ،پەیکار ئازاد، ڕێکخەری پەیوەندیەکان.

سه‌ردانی‌ شاندەکە به‌مه‌به‌ستی‌ پشتیوانیكردنی‌ دامه‌زراوه‌ كۆمه‌ڵایه‌تییه‌كان بوو به‌تایبه‌ت ماڵه‌كانی کوڕان کچان و منداڵانی بێسەرپەرشت له‌ ڕێگه‌ی‌ نۆژەنکردنەوەی بیناو دابینکردنی پێداویستیەکان و هاوکاری کردنی گەنجان وهەروەها پێشکەشکردنی ڕاپۆرتی ساڵانەی ڕێکخراوەکە بە بەڕێوەبەرایەتی گشتی.

له‌و دیداره‌دا به‌ڕێز به‌ڕێوه‌به‌ری‌ گشتی‌ سوپاس‌و ده‌ستخۆشی‌ خۆی‌ ئاراسته‌ی‌ ڕێکخراوی ناوبراو كرد كه‌ هاوكارو پاڵپشتی‌ دامه‌زراوه‌ی‌ كۆمه‌ڵایه‌تین، و هیوای‌ خواست نمونه‌یان زۆربێت، و هه‌روه‌ك ئومێده‌واربوو سه‌رجه‌م ڕێکخراو و كه‌سایه‌تییه‌كان و كۆمپانیاكان ئه‌ركی‌ خۆیان به‌رانبه‌ر دامه‌رزاوه‌ كۆمه‌ڵایه‌تییه‌كان به‌جێبهێنن بۆ داپۆشین‌و كه‌مكردنه‌وه‌ی‌ ئه‌و كه‌لێنه‌ی‌ له‌ بودجه‌ی‌ دامه‌زراوه‌ی‌ كۆمه‌ڵایه‌تی‌ دروست ده‌بێت.