کۆمەڵگەی پەروەردەییەکانى کوردجینیەس زەنگی دەستپێکى ساڵى نوێی خوێندنی لەکۆمەڵگەی چاودێری کۆمەڵایەتی لێدا.
ئەمڕۆ چوارشەممە، 17ـی 9ـی 2025، بەئامادەبوونی بەڕێزان هیوا ڕەحمان نوێنەری بەڕێوەبەری گشتیچاودێری و گەشەپێدانی کۆمەڵایەتی سلێمانی، خاتوو ژیار جەلال بەڕێوەبەری چاودێری کۆمەڵایەتی سلێمانی، کامل غەفور سەرپەرشتیاری پەروەردەیی، سۆران سەعید بەرپرسی پارێزگاری خێزان، خاتوو بەنان وەهاب بەرپرسی دایەنگاکان، سۆزان ئەبوبەکر بەڕێوەبەری کۆمەڵگەی پەروەردەیی کوردجنێس، ژمارەیەک لە بەرپرسانی حکومی و ژمارەیەک لەمنداڵانی ماڵەکانی منداڵانی بێسەرپەرشت، کۆمەڵگە پەروەردەییەکانى کوردجینیەس، لە بۆنەیەکی تایبەتدا زەنگی دەستپێکى ساڵى نوێی خوێندنی لەکۆمەڵگەی چاودێری کۆمەڵایەتی لێدا.
نوێنەری بەڕێوەبەری گشتی لەوتەیەکدا، سوپاسی کۆمەڵگە پەروەردەییەکانى کوردجینیەسی کرد کە هەستان بە نۆژەنکردنەوەى ماڵی منداڵانی کوڕان و دابینکردنى پێداویستییەکانى خوێندنیان بۆ ساڵى نوێ و هەموو ئەو لایەن و ڕێکخراوانەی هاوکارن لە دابینکردنی پێداویستیەکان.
دواتر ژمارەیەک چالاکی جۆراوجۆر و خەڵات پێشکەش کران.
|