یارییه‌كی دۆستانه له نێوان تیپی ڕزگاربووانی مین‌و ته‌قه‌مه‌نی‌‌و تپی وه‌رزشی ڕاگه‌یاندكارانی سلێمانی
ڕۆژی سێشه‌ممه، 13ی 12ی 2016، یارییه‌كی دۆستانه له‌نێوان هه‌ردوو تیپی وه‌رزشی ( تیپی وه‌رزشی تۆپی پێی ڕزگاربووانی مین‌و ته‌قه‌مه‌نی)و (تیپی ڕاگه‌یاندنكارانی وه‌رزشی سلێمانی) له یاریگای كۆمه‌ڵگه‌ی وه‌رزشی په‌روه‌رده‌یی له گه‌ڕه‌كی ڕاپه‌ڕین به‌ڕێوه‌چوو.
یارییه‌كه پڕ بوو له جوڵه‌و ساتی چێژ به‌خش بۆ به‌شداربووان‌و ئاماده‌بووان، ئاماده‌بووانیش پێكهاتبوون له ژماره‌یه‌ك له به‌رپرسانی حكومی‌‌و كه‌سایه‌تیه وه‌رزشییه‌كان، له‌وانه عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و به‌ڕێوه‌به‌ری گشتی مینی سلێمانی‌‌و به‌ڕێوه‌به‌ری وه‌رزشی سلێمانی‌‌و سه‌رۆك‌و ئه‌ندامانی سكرتارییه‌تی ڕێكخراوی كۆمه‌ڵه‌ی ڕۆژ بۆ كه‌مئه‌ندامان، له‌و یارییه‌دا هه‌ردوو تیپی وه‌رزشی ئاستێكی به‌رزی وه‌رزشیان پیشاندا، یارییه دۆستانه‌كه له لایه‌ن (یانه‌ی ڕۆژ بۆ وه‌رزشی كه‌سانی كه‌مئه‌ندام) و ڕێكخراوی (ڕۆحی تۆپی پێی نێوده‌وڵه‌تی) ڕێكخرابوو، له كۆتاییشدا مه‌دالیای ڕێزلێنان پێشكه‌ش به هه‌ردوو تیپی وه‌رزشیدا دابه‌شكرا.
|