بەسەرپەرشتی بەڕێوەبەری گشتی دایەنگە حکومیەکان کۆبونەوە.
"ڕێکارەکانی وەرگرتنی منداڵ لە دایەنگە حکومیەکان گفتوگۆکران"
ئەمڕۆ سێشەممە، 24ـی حوزەیرانی2025، بەسەرپەرشتی ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، ئامادەبونی خاتوو بەنان وەهاب بەرپرسی دایەنگاکان، بەرپرسی ژمارەیەک لە دایەنگە حکومیەکان، کۆبونەوەی دایەنگە حکومیەکان بەڕێوەچوو.
لەکۆبونەوەکەدا سەرەڕای گرفتەکانیان گفتوگۆی ڕێکارەکانی وەرگرتنی منداڵ لە دایەنگە حکومیەکان کرا بۆ ساڵی ئایندە بەهەمان میکانزمی ساڵی پێشوو لە ڕێگەی فۆڕمێک بەپێی خاڵبەندی تیایدا دادپەروەری پەیڕەو دەکرێت لەوەرگرتنی منداڵاندا.
لەسنوری کاری بەڕێوەبەرایەتی گشتی 9 دایەنگەی حکومی هەیە کە چوار دایەنگەیان لە ناو سەنتەری شاری سلێمانین و ئەوانی تر دەکەونە قەزاکانی (بازیان، دەربەندیخان ، دوکان ، چوارتا، شارەزوور).
|