به‌ڕێوه‌به‌رایه‌تی گشتی سه‌ردانی كۆمپانیای قه‌یوان ده‌كات
ئه‌مڕۆ دووشه‌ممه، 11ی كانونی دووه‌می 2016، وه‌فدێكی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی به سه‌رپه‌رشتی عومه‌ر گوڵپی، به‌ڕێوه‌به‌ری گشتی‌‌و هاوڕێیه‌تی ئه‌ڵوه عبدولغه‌فور، جێگری به‌ڕێوه‌به‌رو پرشنگ كه‌ریم، به‌رپرسی په‌یوه‌ندییه‌كان‌و ئالان كه‌ریم، به‌رپرسی ڕاگه‌یاندن‌و سه‌رنج حه‌مه‌سه‌عید، به‌ڕێوه‌به‌ری چاودێریی كۆمه‌ڵایه‌تی سلێمانی، سه‌ردانی كۆمپانیای قه‌یوانی كردو له‌وێ له‌لایه‌ن كاك شێخ فاخر‌و هاوكاره‌كانیه‌وه پێشوازییان لێكرا.
له دانیشتنێكدا كه نزیكه‌ی سه‌عاتێكی خایاند به‌ڕێوه‌به‌ری گشتی سه‌ره‌ڕای سوپاس‌و ده‌ستخۆشی بۆ كۆمپانیای قه‌یوان‌و كه هاوكارێكی باشی دامه‌زراوه كۆمه‌ڵایه‌تییه‌كان بووه‌و ده‌ستی هه‌یه له كاری تری خێرخوازیدا، هه‌روه‌ها هانیشی دان كه به‌رده‌وام بن له كاری چاكه‌ی خێرخوازی به‌تایبه‌ت له‌م باردۆخه ناله‌باره داراییه‌ی كه به‌سه‌ر له كوردستان گوزه‌ر ده‌كات، له به‌رانبه‌ریشدا كاك شێخ فاخر هاتنی به‌ڕێوه‌به‌ری گشتی‌‌و وه‌فده هاوڕێكه‌ی به‌رز نرخاند‌و هاوكاریو هه‌ماهه‌نگی خۆی‌‌و كۆمپانیاكه‌ی بۆ دامه‌زراوه كۆمه‌لایه‌تییه‌كان دووپاتكرده‌وه.
|