پڕۆژەی (پێگەیاندنی دادەی کارامەو مهرەبان) دەستی پێکردو یەکەم ڕاھێنانی گرنگیدانی خودو پلان و پەرەپێدانی کەسایەتی بەڕێوچوو.
بەڕێوبەرایەتی گشتی چاودێری و گەشەپێدانی کۆمەڵایەتی سلێمانی(بەشی دایەنگەکان) بەھاوبەشی لەگەڵ ڕێکخراوی گەشەپێدان و مەدەنیەت CDO ڕاھێنانی گرنگیدانی خودو پلان و پەرەپێدانی کەسایەتی بەڕێوەبرد، ئەوەش لە چوارچێوەی پڕۆژەی (پێگەیاندنی دادەی کارامەو مهرەبان )
بۆ پەرەپێدان و بەرزکردنەوەی توانای پەروەردەکاران و چاودێرو ستافەکانی دایەنگەکان .
ڕاھێنانەکە ماوەی دوو ڕۆژی خایاند ولەلایەن ڕاھێنەرو توێژەری کۆمەڵایەتی محمد عمر کانی، پێشکەشکراو ٣٥ بەشداربوو بەنوێنەرایەتی دایەنگە ناحکومیەکانی پارێزگای سلێمانی بەشداربوون.
ئامانج لە ڕاھێنانەکە پەرەپێدان و بەرزکردنەوەی تواناو زانیاری بەخشین بوو بۆ نوێنەرانی دایەنگەکان کە وەک پەروەردەکارو مامۆستاو چاودێری منداڵ لە دایەنگەکان ئەو خزمەتەیان پێشکەشکراو تێیدا لە دوو ڕۆژی دیاری کراو لەلایەن ڕاھێنەری ناوبراو بەوردی تیشک خرایەسەر گرنگیدانی خودو بنەماو پلان و پەرەپێدانی کەسایەتی
هەریەک لە بەڕێزان ژیلوان عادل شکور بەڕێوبەری گشتی چاودێری و گەشەپێدانی کۆمەڵایەتی سلێمانی بەوەکالەت، خاتوو بەنان وەهاب بەرپرسی بەشی دایەنگەکان، هیوا سەعید سەرپەرشتیاری پەروەردەیی لەکۆتا ڕۆژدا ئامادەی خولەکە بوون و بڕوانامەیان بە بەشداربووان بەخشی.
|