به‌ڕێوه‌به‌رایه‌تی گشتی به‌ڵێنی چاره‌سه‌ری كێشه‌ی گه‌نجێك ده‌دات
به‌رنامه‌ی ئه‌مڕۆی هۆتلاین له كه‌ناڵی ڕووداو تایبه‌ت بوو به گه‌نجێك له شاری ڕانیه‌وه كه گرفتی نه‌بوونی ناسنامه‌ی هه‌بوو، له‌و به‌رنامه‌یه‌دا كه هیوا ڕه‌حمان، ڕاوێژكاری یاسایی له دیوانی به‌ڕێوه‌به‌رایه‌تی گشتی ئاماده‌ی بوو به‌ڵێنی هاوكاریو پشتیوانی گرفته‌كانی ئه‌و گه‌نجه‌ی دا.
سه‌عات 6ی ئه‌م ئێواره‌یه 11ی 12ی 2016، به‌رنامه‌ی هۆتلاین كێشه‌و گرفته‌كانی گه‌نجێكی بێ سه‌رپه‌رشت‌و بێ ناسنامه‌ی له شاری ڕانیه كرده ته‌وه‌ری به‌رنامه‌ی خۆی، له به‌رنامه‌كه‌دا هیوا ڕه‌حمان، نوێنه‌ری به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی به وردی تیشكی خسته سه‌ر ئه‌و كارانه‌ی دامه‌زراوه‌ی كۆمه‌ڵایه‌تی بۆ بێ سه‌رپه‌رشتانی ده‌كات، هه‌روه‌ها هۆكاره‌كانی گرفته‌كه‌ی موحه‌ممه‌دی بۆ بینه‌ران شیكرده‌وه‌و به‌ڵێنیشیدا له ده‌ستخستنی ناسنامه‌دا به‌ڕێوه‌به‌رایه‌تی گشتی هاوكاری بێت.
ته‌واوی به‌رنامه‌كه ببینه:
|