بەڕێوەبەری گشتی پێشوازی لە کۆمەڵەی هیمۆفیلیای کوردستان دەکات
ڕۆژی پێنجشەممە، 24ـی نیسانـــی 2025 ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، لەدیوانی بەڕێوەبەرایەتی گشتی پێشوازی لە شاندێکی کۆمەڵەی هیمۆفیلیای کوردستان لقی سلێمانی کرد.
لەو دیدارەدا گفتوگۆی لەبارەی بارودۆخی توشبوانی هیمۆفیلیا کرد و بەڕێوەبەری گشتی پشتیوانی خۆی بۆ داخوازیەکانیان دوپاتکردەوە و ڕایگەیاند "پێویستە زیاتر بایەخ بەکێشە و خەمەکانی نەخۆشانی هیمۆفیلیا و خاوەن پێداویستییە تایبەتەکان بدرێت، وە بۆ خزمەتی ئێوەی خۆشەویست هەرگیز درێغی ناکەین"
هەرلەودیدارەدا ولەسەرداوای کۆمەڵەی هیمۆفیلیا بەڕێوەبەرایەتی گشتی نوسراوێک ئاڕاستەی وەزارەتی کار و کاروباری کۆمەڵایەتی دەکات بەمەبەستی دابینکردنی سەرجەم خزمەتگوزاریە تەندروستیەکان بۆ توشبوانی هیمۆفیلیا بێ بەرامبەر لەڕێگەی وەزارەتی تەندروستیەوە.
|