بەبۆنەی هاتنەوەی مانگی ڕەمەزانی پیرۆزەوە، ماڵپەڕی فەرمی "بەڕێوەبەرایەتی گشتی" پیرۆزبایی گەرم پێشکەش بە هەموو موسڵمانان دەکات لە سەرتاسەری جیهان بە گشتی و موسڵمانانی هەرێمی کوردستان بە تایبەتی، هیواداریشین ئەو وەرزە ئایینیە گرنگە ببێتە دەستپێکی تەمەنێکی نوێی درەوشاوە لە ژیانی هەر ڕۆژووەوانێك، کە ئاسوودەیی دین و دونیای بۆ بەدەستبهێنێت.

 لە خوای گەورە دەپاڕێینەوە، ئەو هەلومەرجە سەختانەمان بۆ تێبپەڕێنێت کە بەرۆکی گەلەکەمانی گرتووە، و خێر و خۆشی ببێتەوە چەتری ئاسوودەیی بەسەر هەموو گەلانی ناوچەکە.

وێڕای دووپاتکردنەوەمان لەسەر هەستی هاوسۆزانەمان لەگەڵ لێقەوماوان و بێدەرەتانان و خەفەتباران، لە خوای کردگار نزا دەکەین کە ڕۆژوو و تاعەت و عیبادەتەکانتان قەبول بکات، ڕەمەزانتان پیرۆز و ژیانتان پڕ بێت لە لوتفی خوای بەسۆز.

ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی.
28ـی  شوباتی2025