بەڕێوەبەرایەتی گشتی سێ بارهەڵگر لە پێداویستی و کەل و پەلی جۆراو جۆر و دیاری لە ڕێکخراوی ڕوانگە وەردەگرێت.
بەڕێوەبەری گشتی:-" سوپاسی هەر کەس و لایەنێک دەکەین کە هاوکارمان بێت بۆ خزمەت کرد بە سودمەندانمان"
ئەمڕۆ سێشەممە، 4ـی شوبــــاتی 2025، ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، بە ئامادەبوونی بەڕێز خاتوو ڕازاوە میرزا جێگری بەڕێوەبەری چاودێری کۆمەڵایەتی سلێمانی، سۆران سەعید بەرپرسی پارێزگاری خێزان، ژمارەیەک لە بەرپرسانی بەڕێوەبەرایەتی چاودێری کۆمەڵایەتی پێشوازیکرد لە بەڕێز حسێن شێخ علادین بەڕێوەبەری جێبەجێکاری دەزگای ڕوانگە بۆ پەرەپێدان و شاندێکی یاوەری. کە بەمەبەستی پێدانی سێ بارهەڵگر لە کەل و پەل و پێداویستی و دیاری بۆ کۆمەڵگەی چاودێری کۆمەڵایەتی سەردانی کردبوو.
لەو دیدارەدا بەڕێز بەڕێوەبەری گشتی سوپاسی ڕێکخراوی ناوبراوی کردو هیوای خواست هەماهەنگی ڕێکخراوەکە لە بواری دابینکردنی ئەوپێدایستیانەی لەدەرەوەی توانای حکومەتە زیاتر بێت، ئامادەیی بەڕێوەبەرایەتی گشتیشی دەربڕی بۆ هەر هەمانگەییەک لە خزمەت خەڵکدا لە سنوری پارێزگای سلێمانی.
|