بەهۆی خزمەتکردن بە منداڵان، بەڕێوەبەرایەتی گشتی خەڵاتی ڕێزلێنان دەبەخشێتە ستافی ناحکومی پڕوژەی پاراستنی منداڵ .
له پای ڕۆڵیان له خزمه‌تكردنی منداڵان به گشتی‌‌و منداڵانی ئاوارە به تایبه‌ت‌و به‌رزكردنه‌وه‌ی ئاستی ڕاهێنان له بواری منداڵانی ئاوارەو خانەخوێ، بەڕێوەبەرایەتی گشتی خه‌ڵاتی ڕێزلێنان ده‌به‌خشێته ستافیناحکومی پڕۆژەی پاراستنی منداڵ.
ڕۆژی سێشتممە، 24ـی 12ـی 2024، ژیلوان عادل شکور، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی بەوەکالەت پێشوازیكرد له سەرپەرشیاران وکارمەندانی پڕۆژەی پاراستنی منداڵ و ڕێزلێنانی بەخشیە سەرجەم ستافی ناحکومی پڕۆژەکە.
بەڕێوەبەری گشتی لەوتەیەکدا کارەکانی پڕۆژەی پاراستنی منداڵی بەرز نرخاند و هیوای خواست بەهەمان گوڕو تینەوە بەردەوام بن لەسەر کارەکانیان بۆ بەرزکردنەوەی ئاستی خزمەتگوزاری و دەستخۆشی لە خاتوو سەرگوڵ حسن سەرپەرشتیاری پڕۆژەکەو سەجەم کارمەندان کرد.
پڕۆژه‌ی پاراستنی منداڵ یه‌كێك له پڕۆژه گرنگه‌كانی وه‌زاره‌تی كارو كاروباری كۆمه‌ڵایه‌تیه كه به‌هاوكاری ڕێكخراوی یونسێف له پارێزگاكانی سلێمانی‌‌و هه‌ولێرو دهۆك‌و ئیداره‌ی گه‌رمیان به‌ڕێوه ده‌چێت‌و بۆ ماوه‌ی زیاتر له 12 ساڵه به به‌رده‌وامی كاری پاراستنی منداڵانه له ڕێگه‌ی دروستكردنی ڕووبه‌ری هاوڕێی منداڵ كه پڕه له چالاكی ڕۆژانه، مۆبایل تیمی گه‌ڕۆك به‌سه‌ردانیكردنی منداڵان و خێزانه‌كان له نێو شاره‌كان‌و به‌ڕێوه‌بردنی كه‌یس بۆ ئه‌و منداڵانه‌ی كه كێشه‌یان هه‌یه".
|