لەسەنتەری ئۆتیزمی سلێمانی نهۆمێکی تایبەت بە توشبووانی ئۆتیزمی سەرو 12ساڵ دروست دەکرێت.
"بە گوژمەی 226,000,000 دینار لەداهاتویەکی نزیک دا دەست بەجێبەجێکردنی پڕۆژەکە دەکرێت"
ڕۆژی سێشەممە، 17ـی 12ـی 2024، ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، سەردانی سەنتەری ئۆتیزمی حکومی سلێمانی کرد و بەڕێز لەتیف شێخ عەزیز بەڕێوەبەری چاودێری کەمئەندامانی سلێمانی و م.ڕەحمان عەلی بەرپرسی سەنتەری ئۆتیزمی حکومی سلێمانی پێشوازیان لێکرد.
مەبەستی سەردانەکە ئامادەکاری بوو بۆ درووستکردنی نهۆمێکی تایبەت بۆ ڕاهێنانی توشبوانی ئۆتیزمی سەروو 12 ساڵ و لەو سەردانەدا بەڕێز بەرێوەبەری گشتی ژمارەیەکی رێنمایی ئاراستەی ئەندازیاری پڕۆژەو کۆمپانیای جێ بەجێکار کرد کە زۆرینەیان پەیوەندییان بە چۆنیەتی گونجانی بیناکە بوو بۆ توشبووانی ئۆتیزم و هەروەها تۆکمەیی زیاتری پرۆژەکەو سەلامەتی بۆ کارمەندان و سودمەندان.
پڕۆژەی ناوبراو له ئاینده‌یه‌كی نزیكدا ده‌چێته بواری جێبەجێکردنەوەو، و پڕۆژەکە بڕی (226,000,000 ) دیناری بۆ تەرخانکراوەو لەلایەن بەشی ئەندازیاری بەڕێوەبەرایەتی گشتی سەرپەرشتی دەکرێت.
|