خولی به‌هێزكردنی گەشەی تواناکان بۆ منداڵانی خاوەن پێداویستی تایبەت كۆتایهات، بۆ ڕاهێنەرانی سەنتەراکانی ئۆتیزمی سلێمانی و بازیانی حکومی و شیاندنی کەمئەندامانی ڕاپەڕین.
ئەمڕۆ سێشەممە، 17ـی 12ـی2024 به ئاماده‌بوونی ژیلوان عادل شکور، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌لەتیف شێخ عەزیز بەڕێوەبەری چاودێری کۆمەڵایەتی سلێمانی، کامیل غەفور سەرپەرشتیای پەروەردەیی، پاش 9 كاتژمێر وانه‌ی تیۆری، خولی (گەشەی تواناکان بۆ منداڵانی خاوەن پێداویستی تایبەت) كۆتایهات‌و بڕوانامه‌ی به‌شداربوونیان به‌سه‌ر به‌شداربوواندا دابه‌شكرا.
له مه‌راسیمی كۆتایی خوله‌كه‌دا، به‌ڕێز به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا پاش ده‌ستخۆشی له به‌ڕێز م.ڕەحمان عەلی ڕاهێنه‌ری خوله‌كه‌و ڕێکخراوی منداڵپارێزی کوردستان کە سه‌رپه‌رشتیارو پاڵپشتی ڕاهێنانه‌كه‌بوون، ئاماژه‌ی به بایه‌خ‌و گرنگی كاری كارمه‌ندانی بواری مامه‌ڵكردن له‌گه‌ڵ منداڵانی خاوەن پێداویستی تایبەت كردو ده‌ستخۆشی لێكردن كه زۆر دڵسۆزانه ئه‌ركه‌كانیان ڕاده‌په‌ڕێنن كه به‌شداری خول‌و ڕاهێنانه‌كان یه‌كێكه له ئه‌ركه‌كان، هه‌روه‌ها جه‌ختی كرده‌وه كه ئه‌وان به‌بێ جیاوازی ئامانجیانه باشترین خزمه‌تی منداڵانی خاوەن پێداویستی تایبەت بكه‌ن به جیاوازی ناونیشانه‌كان.
ئه‌م ڕاهێنانه به‌شێكه له پلانی ساڵانه‌ی به‌ڕێوه‌به‌رایه‌تی چاودێری کەمئەندامانی سلێمانی و ئه‌و گرنگیپێدانه‌ی به‌ڕێوه‌به‌رایه‌تی گشتی هه‌یه‌تی بۆ به‌رزكردنه‌وه‌ی توانای كارمه‌ندانی دامه‌زراوه‌ی كۆمه‌لایه‌تی بۆ خزمه‌تكردن به منداڵانی خاوەن پێداویستی تایبەت.
|