به‌ڕێوه‌به‌ری گشتی پێشوازی له هونه‌مه‌ند عومه‌ری كه‌ریم ئاغا ده‌كات
ڕۆژی چوارشه‌ممه، 7ی 12ی 2016، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی پێشوازی له هونه‌رمه‌ندی كوردستان‌و شاری سلێمانی، عومه‌ری كه‌ریم ئاغا كرد كه به هاوڕێیه‌تی جه‌میل حه‌مه‌ره‌شید سه‌ردانی كردبوو.
سه‌ردانی به‌ڕێزیان به‌مه‌به‌ستی نرخاندنی كاری دامه‌زراوه كۆمه‌ڵایه‌تییه‌كان بوو، هه‌روه‌ها پشتگیریی بوو له كه‌مپینی پشتیوانی له صندوقی هاوكاری كۆمه‌ڵایه‌تی سلێمانی كه بۆ ماوه‌ی مانگێك له 30ی 11 ڕاگه‌یه‌نرا، به‌ڕێوه‌به‌ری گشتیش سوپاسی‌‌و پشتگیریی‌‌و پشتیوانی كه‌سایه‌تییه‌كان كردو سه‌ردانی به‌ڕێزیانی به‌رزنرخاند.
|