لەژێر دروشمی"ژنی بەهێز، بنیادنەری خێزانێكی تەندروستە" لە بۆنەیەکی تایبەتدا هەڵمەتێک بۆ 16 ڕۆژی بەرەنگاربونەوەی توندوتیژی دەستی پێکرد.
ئەمڕۆ دووشەممە، 25ـی نۆڤەمبەری 2024، بەئامادەبوونی بەڕێزان د.هەڤاڵ ئەبوبەکر پارێزگاری سلێمانی. عمید سەركەوت عومەر بەرێوەبەری بەرەنگاربوونەوەی توندوتیژی دژی ئافرەتان‌و خێزان، خاتوو بەنان وەهاب نوێنەری بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی، پشتیوان موحەممەد بەرپرسی پارێزگاری خێزان، تریفە موحەممەد بەرپرسی ماڵی داڵدەدانی ژنانی هەڕەشەلێکراو و نوێنەرانی بەڕێوەبەرایەتی ئەوقاف و کاروباری ئاینی و شاروانی و ژمارەیەک لە ڕێکخراو و چالاکوان، هەڵمەتی نیشتیمانی 16 ڕۆژی بەرەنگاربوونەوەی توندوتیژی دژی ژنان دەستی پێكرد.
سەرەتا بەڕێز د.هەڤاڵ ئەبوبەکر وتارێکیپێشکەش کرد و ڕۆڵی ژنی لەکۆمەڵگا ڕوونکردەوەو کاریگەری کچان و ژنانی لە بەرەوپێشچونی کۆمەڵگەی کوردەواری بەرز نرخاند.
دواتر وتاری ژمارەیەک لە دەزگا حکومی و ڕێکخراوەیەکان خوێنرایەوەو ئاماژەیان بە ڕۆڵی دین و گرفتەکان و چارەسەری توندوتیژی کران.
هەرلەو بۆنەیەدا پێشەنگایەکی فۆتۆگرافی و کاری دەستی سودمەندانی ماڵی داڵدەدان کرایەوە کە لەلایەن ماڵی داڵدەدانی هەڕەشەلێکراوو شارەوانی سلێمانی ئامادەكرابوو.
|