ژیلوان عادل:-"سەرجەم ئەو کەمئەندامانەی مووچە وەردەگرن و (UPN)یان نیە سەردانی بنکەکانی تۆماری بایۆمەتری بکەن بەمەبەستی دروستکردنی و دوامۆڵەت 20ـی11ـی2024 "

ئەمڕۆ پێنجشەممە، 7ـی تشرینی دووەمی 2024، لە دیوانی بەڕێوەبەرایەتی گشتی ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت بەئامادەبوونی نەهرۆ عەبدوڵڵا بەڕێوەبەری تۆڕی پاراستنی کۆمەڵایەتی سلێمانی، کۆنگرەیەکی ڕۆژنامەوانی ئەنجام دا.

لەکۆنگرەرەکەدا بەڕێوەبەری گشتی سەرجەم ئەو هاوڵاتیە خاوەن پێداویستیە تایبەتانەی مووچە وەردەگرن لە سنوری سلێمانی و ئیدارەی گەرمیان و یوپی ئێن یان (UPN)نیە ئاگادارکردەوە کە پێویستە تا بەرواری 20ـی 11ـی 2024 سەردانی بنکەکانی تۆماری بایۆمەتری و یوپی ئێن بکەن بەمەبەستی تۆمارکردنیان و هەرکەس بەدەم ئەم بانگەوازەوە نەچێت حکومەتی عێراقی فیدراڵ مووچەکەی دەبڕێت.

سەبارەت بەئاماری ئەو کەمئەندامانەی تائێستا سەردانیان نەکردوە بە نزیکەیی 5000 هاوڵاتی خاوەن پێداویستی تایبەت باس کرد ئەمە لەکاتێکدایە لەسنوری بەڕێوەبەرایەتی گشتی 21000 کەمئەندام تۆمارن کە لە ئێستادا هاوکاری کەمئەندامی وەردەگرن.