به‌ڕێوه‌به‌ری گشتی داوای پشتگیری له هاووڵاتیان ده‌كات بۆ منداڵان
عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی، له په‌یجی تایبه‌تی خۆی له تۆڕی كۆمه‌ڵایه‌تی فه‌یس بووك وێنه‌ی خۆی له‌گه‌ڵ منداڵانی خانه‌ی ساوایان داناوه كه شه‌وی ڕابردوو به‌بۆنه‌ی ڕۆژی جیهانی خۆبه‌خشانه‌وه سه‌ردانی كردبوون، له‌گه‌ڵ وێنه‌كه‌دا نووسیویه‌تی :" ده‌ستی ئه‌م داده‌‌و كارمه‌ندانه‌ی لێره كارده‌كه‌ن ده‌ستێكی میهره‌بانه ئێوه‌ش ده‌توانن به‌شداربن".
كه‌مپینی پشتیوانی له صندوقی هاوكاری كۆمه‌ڵایه‌تی سلێمانی له پێناو به‌رژه‌وه‌ندی ژیانی منداڵان‌و به‌ساڵاچوواندا، ڕۆژی 30ی 11 له‌لایه‌ن به‌ڕێوه‌به‌رایه‌تی گشتییه‌وه ڕاگه‌یه‌نراو بڕیاروایه بۆ ماوه‌ی 30 ڕۆژ به‌رده‌وام بێت، هاوكارییه‌كانیش له ڕێگه‌ی لیژنه‌یه‌كه‌وه ڕۆژانه پێشوازییان لێده‌كرێت‌و سه‌رجه‌م داهاتی صنودقه‌كه له كۆتایی كه‌مپینه‌كه‌دا ڕاده‌گه‌یه‌نرێت، هه‌روه‌ك صنودقی هاوكارییه‌كه به پێی ڕێنمایی دروستكراوه‌و هاوكارییه‌كان وه‌رده‌گرێت‌و هه‌ر به پێی ڕێنماییش له‌پێناو به‌رژه‌وه‌ندی خانه‌كاندا خه‌رج ده‌كرێت.
ده‌قی پۆسته‌كه‌ی عومه‌ر گوڵپی :
ده‌ستی ئه‌م داده‌‌و كارمه‌ندانه‌ی لێره كارده‌كه‌ن ده‌ستێكی میهره‌بانه، ئێوه‌ش ده‌توانن به‌شداربن
كێ پێی خۆشه‌‌و ده‌توانێت، كه‌مپینی پشتیوانی له صندوقی هاوكاری كۆمه‌ڵایه‌تی ئه‌و ده‌رفه‌ته ده‌ره‌خسێنێت كه ماوه‌ی 6 ڕۆژه ڕاگه‌یه‌نراوه‌و چاوه‌ڕوانی ده‌سته میهره‌بانه‌كانه.
وێنه‌كان: ئه‌مشه‌‌و 5ی 12ی 2016 ـ خانه‌ی ساوایانی سلێمانی.
|