لیژنەی خەڵاتی خاوەن بەهرە تایبەتەکان چاوپێکەوتنی بۆ بەربژێرەکان ئەنجام دا.
دوانیوەڕۆی ئەمڕۆ شەممە، 31ـی ئـــــابی 2024، بە ئامادەبوونی ژیلوان عادل شکور بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت ، لیژنەی خەڵاتی خاوەن بەهرە تایبەتەکان چاوبێکەوتنی بۆ بەربژێرەکان ئەنجام دا.
لە چاوپێکەوتنەکەدا سەرجەم ئەو خاوەن پێداویستیە تایبەتانەی پوختەی ژیانیان پێشکەش بەلیژنەکە کردبوو ئامادەبوون و پاش هەڵسەنگاندنیان لە 33 بەهرەمەند 10 کەس هەڵدەبژێردێت تا لە مەڕاسیمێکی تایبەتدا خەڵات بکرێن.
خەڵاتی خاوەن بەهرە تایبەتەکان ئەمساڵ بۆ جاری چوارەم بەڕێوەدەچێت بۆ ئەو خاوەن پێداویستیە تایبەتانەیە کە لەبوارێکدا بەهرەیان هەیە و ساڵانە بەڕێوەبەرایەتی گشتی شایستەترینیان دیاری دەکات و لە مەڕاسیمێکی تایبەتدا خەڵات دەکرێن.
|