بەڕێوەبەری گشتی لە قەزای شارەزوور لەدۆخی هاوڵاتیان دەپرسێتەوە .
دوانیوەڕۆی ڕۆژی دووشەممە، 15ـی تەمووزی 2024، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی سلێمانی بەوەکالەت ، سەردانی قەزای شارەزووری کرد.
سەرەتا بەڕێز بەڕێوەبەری گشتی سەنتەری پاراستنی منداڵانی شارەزووری بەسەرکردەوەو لەلایەن بەڕێز دەشتی عومەر بەرپرسی سەنتەرەکە پێشوازی کرا.
دواتر و بەهاوڕێیەتی بەڕێزان د. ئیدریس نوری پسپۆڕی دەروونناسی خاوەن پێداویستی منداڵ و بەختیار گەڵاڵی بەرپرسی گروپی (ساتێک لەگەڵ خاوەن پێداویستی تایبەت) ژمارەیەک هاوڵاتی خاوەن پێداویستی تایبەت بەسەر دەکەنەوە کە زۆرینەیان بەدەست نەخۆشی و نەبوونیەوە توشی گرفت هاتبوون و پێویستیان بە هاوکاری بوو بڕیاریدا سەرجەم پێداویستیە پزیشکیەکان لە دەرمان و چارەسەری پزیشکی بۆ ئەو هاوڵاتیانەی سەردانی کردبوون دابینبکات.
هەر لەو سەردانەدا بەڕێوەبەری گشتی فرۆشگایەکی نوێی جل و بەرگی بەسەرکردەوە کە لەلایەن نابینایەک کراوەتەوەو دەستخۆشی لێکردن و هاوکاری پێشکەش کرد و پشتیوانی خۆی بۆ دووپاتکردەوە.
سەردانەکە لەسەر داوای ژمارەیەک هاوڵاتی سنورەکە بوو تیایدا داوای بەهاناوەهاتنیان لە بەڕز بەڕێوەبەری گشتی کردبوو.
|