ئاواره‌یی، گرفت‌و ده‌رفه‌ت، توێژینه‌وه‌ی به‌ڕێوه‌به‌رایه‌تی ئاماری سلێمانی
ڕۆژی سێشه‌ممه، به ئاماده‌بوونی ژماره‌یه‌ك له به‌رپرسانی حكومی‌‌و ڕێكخراوه نێو خۆییه‌كان‌و ڕێكخراوه نێوده‌وڵه‌تییه‌كان، به‌ڕێوه‌به‌رایه‌تی ئاماری سلێمانی، لێكۆڵینه‌وه‌و ئامارێكی خۆی كه به‌هاوكاری ڕێكخراوی UNHCR ئه‌نجامیدابوو خسته ڕوو.
له‌و كۆنگره ڕۆژنامه‌نووسییه‌دا، كه هه‌ریه‌كه له عومه‌ر قه‌ڵادزێی جێگری پارێزگاری سلێمانیو نوێنه‌ری جێگری سه‌رۆكی حكومه‌تی هه‌رێمی كوردستان‌و عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانیو سه‌رۆكی ده‌سته‌ی ئاماری كوردستان‌و نوێنه‌ری به‌ڕێوه‌به‌رایه‌تییه‌كانی په‌روه‌رده‌و شاره‌وانی‌‌و ئاوو ته‌ندروستی ئاماده‌یبوون، م. مه‌حمود، به‌ڕێوه‌به‌ری ئاماری سلێمانی ئه‌نجامه‌كامی ئامارو لێكۆڵینه‌وه‌كه‌ی خۆیان كه سه‌باره‌ت به ئاواره‌كان‌و ژیانیان‌و ژیانی دانیشتوانی سنوری پارێزگای سلێمانیو ئه‌و گرفتانه‌ی له خزمه‌تگوزارییه‌كان دروستبووه به‌هۆی بارگرانی ئاواره‌وه خسته‌ڕوو.
زانیاریی‌‌و ئاماره‌كان، ده‌كرێت له داهاتوودا بنه‌مایه‌كی گرنگ بن بۆ پلان‌و پشت پێ به‌ستنیان بۆ كاركردن له‌لایه‌ن دامه‌زراوه حكومییه‌كان‌و ڕێكخراوه‌كانه‌وه.
|