نوێنەری بەڕێوەبەری گشتی پێشوازی لە سەرپەرشتیارانی پڕۆژەی (UNFPA)کرد
ئەمڕۆ چوارشەممە، 21ـی شوباتـی 2024، بەڕێز هیوا ڕەحمان نوێنەری بەڕێوەبەری گشتی چاودێری و گەشەپێدانی کۆمەڵایەتی بەوەکالەت ، بە ئامادەبوونی خاتوو نوخشە ڕەسول بەڕێوەبەری کارگێڕی ،نیشتمان عبدالڕحمان
ڕێکخه ری پڕۆژه لە سلێمانی ، پێشوازی کرد لە شاندێکی پڕۆژەی (UNFPA)لە وەزارەتی کارو کاروباری کۆمەڵایەتی بە سەرۆکایەتی بەڕێز عەبدوسەلام کانەبی سەرپەرشتیاری پڕۆژەو خاتوو تریفه احمد ، ووردبینی وەزارەت ، خاتوو پەنا ئەبوبکر ، کارگێڕی پڕۆژە نسرالدین حمه ساڵح ژمێریاری پڕۆژه کان.
ئامانجی کۆبونەوەکە ، بەدواداچوون بوو بۆ کاری تیمەکانی پڕۆژەی (یەکسانی لەسەر بنەمای جۆری کۆمەڵایەتی و بەتواناکردنی ژنان)لە هەردوو پارێزگای سلێمانی و هەڵەبجە و دانیشتوانی کەمپەکان و ئاشنابوون و دۆزینەوەی ڕێگەچارەی پێویست بۆ گرفتەکانی بەردەم پڕۆژەکە.
پڕۆژەی (یەکسانی لەسەر بنەمای جۆری کۆمەڵایەتی و بەهێز کردنی تواناکانی ژنان) بە پشتیوانی دارایی رێکخراوی (UNFPA) و سەرپەرشتی بەڕێوەبەرایەتی گشتی، یەکێک لە پڕۆژە گرنگ و کاریگەرەکانی سنوری کاری بەڕێوەبەرایەتی گشتییەو لە ماوەی‌ڕابردوودا خزمەتێکی گەورەی بە پرسی ژنان و خیزان کردووە.
|