بەبڕیاری بەڕێز خاتوو کوێستان موحەممەد وەزیری کارو کاروباری کۆمەڵایەتی ،پاڵپشت بەیاسای ژمارە 12ـی ساڵی 2007 ، ڕۆژانی سێشەمەو چوارشەممە ، 13-14 ـی شوباتی2024 ، وۆرک شۆپێکی تایبەت بە داڕشتنی پەیڕەوی ناوخۆی وەزارەتی کارو کاروباری کۆمەڵایەتی ، لە دیوانی وەزارەت بەڕێوەچوو.

 لە وۆرک شۆپەکەدا  گفتووگۆ کرا لەسەر ڕەشنووسی پەیڕەوەکە و گۆڕینەوەی سەرنج و بەهەندوەرگرتنی تێبینی و پێشنیازەکان بۆ داڕشتنی پەیڕەوی ناوخۆی وەزارەت بە شێوەیەک کە ڕۆتین کەمبکرێتەوە و ئەرک و کارەکان دابەشبکرێن.هەروەها ئامادەسازیکرا بۆ ئەوەی سەرجەم داواکاری و پێشنیار و پێداویستییەکان ئامادەبکرێن بۆ پەسەندکردنی تا زیاتر خزمەت هاوڵاتیانی خاوەن پێداویستی تایبەت و هەموو سودمەندان لە سنوری کاری وەزارەت دا.

وۆرک شۆپەکە دوو ڕۆژی خایاندو ، بەڕێزان م.هادی عەلی ، د.دلێر سابیر ، پێشنوسەکەیان پێشکەشکرد ، تیایدا بەدوو گروپی جیاواز هەریەک لەبەڕێزان بریکای وەزارەت و پشکنەری گشتی وەزارەت و بەڕێوەبەرانی گشتی چاودێری و گەشەپێدانی کۆمەڵایەتی (سلێمانی ، هەولێر ،دهۆک ،هەڵەبجە،گەرمیان) و بەڕێوەبەرایەتی گشتی چاکسازی و کارو دەستەبەری کۆمەڵایەتی ، بەڕێوەبەری قەرزی بچوک و ژمارەیک بەرپرس  بەشداربوون.