بۆ ڕێکخستنەوەی کارەکان و بەدواداچونی زیاتری دایەنگاو سەنتەرە ناحکومیەکانی ئۆتیزم وەزیری کارو کاروباری کۆمەڵایەتی سەردانی بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی کرد.
ئەمڕۆ شەممە ، 27ـی کانوونی دووەمی/2024، خاتوو کوێستان موحەمەد وەزیری کارو کاروباری کۆمەڵایەتی ،بۆ ژمارەیەک پرسی گرنگ لە پارێزگای سلێمانی لەگەڵ بەڕێزان م. ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، خاتوو حەلیمە فەتاح بەرپرسی بەشی پلان و بەدواداچوون ،بەڕێوەبەری سەنتەرەکانی ئۆتیزمی حکومی سلێمانی و لوتفیە مەلاغالب ، کۆبویەوە.
مەبەستی کۆبونەوەکە بریتبوو له دانانی ڕێوشێوێنی پێویست بۆ کردنەوەی دەرگای هەردوو سەنتەری ئۆتیزمی حکومی سلێمانی و لوتفیە مەلا غالب بەڕووی سودمەندانیداو هەروەها زیاتر چاودێری کردن و بەدواداچونی دایەنگاو سەنتەرە ناحکومیەکانی ئۆتیزم لە سنوری کاری بەوەبەرایەتی گشتی سلێمانی و کردنەوەی ماڵی ئارام لە قەزای چەمچەماڵ لە زوترین کاتدا.
وەزیری کارو کاروباری کۆمەڵایەتی ووتی " جێبەجێکردنی ڕێنماییەکانی ئۆتیزم‌و پاراستنی منداڵانی ئۆتیزم‌و مافه‌كانیان‌و مافی دایك‌و باوكی منداڵانی ئۆتیزمیش ئەرکی هەموو لایەکمانە، هەروەک کردنەوە ی سەنتەر حکومیەکان بەڕوی سودمەندانیدا بە پێویست باس کرد.
هەرلەو کۆبونەوەیەدا وەزیری کارو کاروباری کۆمەڵایەتی بەڕێوەبەرایەتی گشتی ڕاسپارد زیاتر بەدواداچوون بکەن بۆ دایەنگە و سەنتەرە ناحکومیەکان ، به پابه‌ندی به‌یاساو ڕێنماییه‌كان‌و پاراستنی مافی منداڵان‌و به‌رزكردنه‌وه‌ی ئاستی پابه‌ندی به سیستم‌و نه‌هێشتنی كه‌م‌و كورتییه‌كان، هه‌روه‌ك بڕیاریدا له زووترین كاتدا لێپێچینه‌وه‌ی یاسایی له‌گه‌ڵ ئه‌و دایەنگەو سەنتەرە ناحکومیانە بکرێت كه وەک پێویست ڕێنمایەکان جێبەجێ ناکەن.
|