بەرێوەبەری گشتى سەردانی قەزای چەمچەماڵی کرد.
ئەمڕۆ چوارشەممە، 16ـی کانوونی دووەمی/2024،بەڕێز م.ئیسماعیل ڕەشید به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، سەردانی قەزای چەمچەماڵی کرد.
سەرەتا بەڕێزیان بەڕێوەبەرایەتی چاودێری کۆمەڵایەتی لە قەزاکە بەسەرکردەوە و لەلایەن بەڕێز بەرزان کەریم بەڕێوەبەری چاودێری کۆمەڵایەتی چەمچەماڵ پێشوازیکران دواتر هۆبەو یەکە جیاوازەکانی بەڕێوەبەرایەتیەکە و لیژنەکانی پڕکردنەوەی فۆڕمی ئامادەبوونی ساڵانەی هاوڵاتیانی خاوەن پێداویستی تایبەت بەسەرکردەوەو دەست خۆشی لە بەڕێوەبەرو کارمەندان کردو ژمارەیەک ڕێنمایی پێویستی پێدان.
پاشان بەڕێوەبەری گشتی بەهاوڕێیەتی بەڕێوەبەری چاودێری کۆمەڵایەتی چەمچەماڵ سەردانی قائمقامیەتی چەمچەماڵیان کردو لەلایەن بەڕێز حاکم ڕەمک ڕەمەزان پێشوازی کران لە دانیشتنێکدا جەخت کرایەوە بەزوترین کات ماڵی ئارام بۆ بەخشراوەکان بکرێتەوە ،کە تیایدا بەخشراوەکانی سنوری پارێزگای سلێمانی لەخۆدەگرێت ، پاشان گفتوگۆ کرا دەربارەی کردنەوەی دایەنگەیەکی شایستە بە دانیشتوانی قەزاکە و سەنتەرێکی ئۆتیزم و ماڵی داڵدەدانی ژنان بۆ سنورەکە و دانانی پلانێک بەهەماهەنگی هەردولا بۆ خزمەت کردنی زیاتر بەدانیشتوانی قەزای چەمچەماڵ.
لەسنوری بەڕێوەبەرایەتی چاودێری کۆمەڵایەتی چەمچەماڵ3297 کەمئەندام تۆمارەو تا ئێستا نزیکەی 2000 هاوڵاتی خاوەن پێداویستی تایبەت بەمەبەستی پڕکردنەوەی فۆڕمی بەرحەیاتی سەردانیان کردووە .
|