بەرێوەبەری گشتى لە قەزای پێنجوێن سەردانی قائیمقام دەکات و لیژنەی پڕکردنەوەی فۆڕمی ئامادەبوونی ساڵانەی کەمئەندامان بەسەرکردەوە.
ئەمڕۆ یەکشەممە، 14ـی کانوونی دووەمی/2024،بەڕێز م.ئیسماعیل ڕەشید به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، سەردانی قەزای پێنجوێنی کردو سەردانی قائمقام و لیژنەکانی پڕکردنەوەی فۆڕمی ئامادەبوونی ساڵانەی کەمئەندامانی کرد.
سەرەتا بەڕێز بەڕێوەبەری گشتی بە هاوڕێیەتی بەڕێز بازیان بەرپرسی سەنتەری پاراستنی منداڵانی پێنجوێن سەردانی قائمقامیەتی قەزای پێنجوێنیان کردو لەلایەن بەڕێز زانا ڕەحمان قائمقامی قەزای پێنجوێن پێشوازی کران و لە دانیشتنێکدا گفتوگۆی گرفتەکانی هاوڵاتیانی خاوەن پێداویستی تایبەتی سنورەکە کراو هەروەک بەڕێز بەڕێوەبەری گشتی سوپاسی قائیمقامی کرد لە هاوکاری کردنی سەنتەری پاراستنی منداڵانی پێنجوێن و پاڵپشتیانی بەرز نرخاند.
پاشان بەڕێز بەڕێوەبەری گشتی بۆ ئاگاداربوون لە چۆنیەتی بەڕێوەچوونی پڕۆسەی پڕکردنەوەی فۆڕمی ئامادەبوونی ساڵانەی هاوڵاتیانی خاوەن پێداویستی تایبەت و دڵنیابوونه‌وه له باش بەڕێوەچوونی پڕۆسەکە ، سەردانی لیژنەکانی لە قەزای پێنجوێن کردو دەستخۆشی لە سەرجەم کارمەندا کرد کە دڵسۆزانە پێشوازی لە هاوڵاتیانی خاوەن پێداویستی تایبەت دەکەن و فۆڕمەکانیان پڕدەکەنەوە هەروەک داوای کرد کارئاسانی تەواو بۆ هاوڵاتیانی خاوەن پێداویستی تایبەت بکەن.
|