بەرێوەبەری گشتى سەردانی قەزای دوکان و ناحیەی پیرەمەگرونی کردو لیژنەکانی پڕکردنەوەی فۆڕمی ئامادەبوونی ساڵانەی کەمئەندامان بەسەرکردەوە.
ئەمڕۆ سێشەممە، 9ـی کانوونی دووەمی/2024،بەڕێز م.ئیسماعیل ڕەشید به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، سەردانی قەزای دوکان و ناحیەی پیرەمەگرونی کردو لیژنەکانی پڕکردنەوەی فۆڕمی ئامادەبوونی ساڵانەی کەمئەندامانی به‌سه‌ركرده‌وه.
مەبەستی سەردانەکان لەنزیکەوە ئاگاداربوون بوو لە چۆنیەتی بەڕێوەچوونی پڕۆسەی پڕکردنەوەی فۆڕمی ئامادەبوونی ساڵانەی هاوڵاتیانی خاوەن پێداویستی تایبەت و دڵنیابوونه‌وه له باش بەڕێوەچوونی پڕۆسەکە ، بەڕێوەبەری گشتی دەستخۆشی لە بەڕێزان (فەرهاد عەبدوڵا) بەرپرسی سەنتەری منداڵانی پیرەمەگرون و خاتوو (گەلاوێژ عومەر) بەڕێوەبەری دایەنگەی دوکان و سەرجەم کارمەندا کرد کە دڵسۆزانە پێشوازی لە هاوڵاتیانی خاوەن پێداویستی تایبەت دەکەن و فۆڕمەکانیان پڕدەکەنەوە هەروەک داوای کرد کارئاسانی تەواو بۆ هاوڵاتیانی خاوەن پێداویستی تایبەت بکەن.
|