پاش ئەوەی ڕۆژی پێنجشەممەی ڕابردوو بەرێوەبەرایەتی گشتی ئاگاداری ئەو هاوڵاتیە خاوەن پێداویستیە تایبەتانەی کرد کە هاوکاری کەمئەندامی وەردەگرن سەردان بکەن بەمەبەستی پڕکردنەوەی فۆڕمی ئامادەبوونی ساڵانە ئەمڕۆ یەکشەممە، 7ـی کانوونی دووەمی/2023 ، لە یەکەم ڕۆژی دەستپێکی پڕۆسەکە هاوڵاتیانی خاوەن پێداویستی تایبەت سەردانی لیژنەکانیان کرد لە سنوری کاری بەڕێوەبەرەرایەتی گشتی لە مەرکەزی سلێمانی و قەزاو ناحیەکانی بەمەبەستی پڕکردەوەی فۆڕمی ئامادەبوونی ساڵانە (بەرحەیاتی).

بۆ ئەو مەبەستە بەڕێز م. ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بە سایتی فەرمی بەڕێوەبەرایەتی گشتی ڕاگەیاند" بەڕێوەبەرایەتی گشتی لە ڕێگەی (29)لیژنەوە دەستی بە پڕۆسەی پڕکردنەوەی فۆڕمی بەرحەیاتی و بینینی هاوڵاتیانی خاوەن پێداویستی تایبەت کردوو لەیەکەم ڕۆژدا (2371) فۆڕم پڕکراوەتەوە.

 بەڕێز بەڕێوەبەری گشتی وتیشی پڕکردەوەی فۆڕمەکە زۆر کورت خایەنەو کەمتر لە یەک خولەک دەخایەنێت و هیوادارین سەرجەم ئەو خاوەن پێداویستیە تایبەتانەی مووچەی کەمئەندامی وەردەگرن بێن بەدەم بانگەوازەکەوەو بە زووی سەردان بکەن تا لەزوترین کاتدا پڕۆسەکە کۆتایی پێبێنین.