به‌ریوه‌به‌رایه‌تی تۆڕی پاراستنی کۆمەڵایەتی بۆ كۆچی دوایی فەرمانبەرێکی مه‌راسیمێكی به‌ڕێوه‌برد.
کاتژمێر10ی ئه‌مڕۆ یه‌كشه‌ممه، 24ـی 12ـی 2023، به ئاماده‌بوونی بەڕێزان به‌رپرس‌و كارمه‌ندانی به‌ڕێوه‌به‌رایه‌تی گشتی و به‌ڕێوه‌به‌رایه‌تی تۆڕی پاراستنی كۆمه‌لایه‌تی سلێمانی و خاتوو (بەسۆز تۆفیق) خێزانی کۆچ کردوو مه‌راسیمێكی ماته‌م‌و فاتیحه‌خوانی بۆ کۆچکردوو (عەلی موحەمەد فوئاد) فەرمانبەری به‌شی ژمێریاری له به‌ڕێوه‌به‌رایه‌تی تۆڕی پاراستنی کۆمەڵایەتی كه ڕۆژی 14ـی 12ـی 2023 كۆچی دواییكرد به‌ڕێوه‌برد.
له سه‌ره‌تای مه‌راسیمه‌كه‌دا به‌ڕێز نەهرۆ عەبدوڵڵا، به‌ڕێوه‌به‌ری تۆڕی پاراستنی کۆمەڵایەتی سلێمانی باسی له كاره باشه‌كانی خوالێخۆشبوو كرد و به‌ناوی سه‌رجه‌م كارمه‌ندانه‌وه پرسه‌و سه‌ره‌خۆشی ئاراسته‌ی خێزانی و كه‌س‌و كارو هاوڕێكانی و سه‌رجه‌م كارمه‌ندان كرد، هه‌روه‌ك کۆچکردوی به یه‌كێك له كادیره زۆر دڵسۆزه‌كانی فه‌رمانگه‌و هاووڵاتیاین وه‌سفكردو باسی له ژماره‌یه‌ك له كاره‌كانی كرد كه له ماوه‌یه‌كی كه‌مدا ئه‌نجامیدابوون و دواتر ژمارەیەک لە وێنەو یادەوەریەکانی کۆچکردو لەگەڵ هاوڕێیانی لە جێگەی کارەکەی نمایشکران.
پوخته‌ی ژیانی كۆچكردوو:
ـ ناوی ته‌واو: عەلی موحەمەد فوئاد
ـ له دایكبووی: 1977
ـ خوێندن: پەیمانگای تەکنیکی سلێمانی.
ـ ساڵی دامه‌زراندن: 2003
ـ ناونیشانی فه‌رمانبه‌ری: ژمێریاری پێشکەوتوو.
ـ خێزانداره‌و باوكی 2 منداڵ کوڕێک و کچێک.