بەڕێوەبەرایەتی گشتی ڕێز لە دوو بەرپرسی دەنێت.
ڕۆژی سێشەممە، 19ـی کانوونی یەکەمی/2023، بەڕێز م.ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بە ئامادەبوونی بەڕێزان خاتوو نوخشە ڕەسوڵ بەڕێوەبەری کارگێڕی خاتوو نیشتیمان عەبدولرەحمان سەرپەرشتیاری پڕۆژەی یەکسانی لەسەر بنەمای جۆری کۆمەڵایەتی و بەهێز کردنی تواناکانی ژنان، ڕێزلێنانی بەخشیە دوو بەرپرسی بەڕێوەبەرایەتی گشتی.
هەریەک لە بەڕێزان (سامان موحەمەد) بەرپرسی سەنتەری پاراستن و چالاکی منداڵانی دەربەندیخان ،(فەرهاد عەبدوڵڵا) بەرپرسی سەنتەری پاراستن و چالاکی منداڵانی پیرەمەگرون، لەپای ئەو خزمەتەی لە چالاکیە جۆربەجۆرەکانیان بۆ ژنان و ئافرەتان لە خول و ڕاهێنان کردویانە ڕێزلێنانیان بێبەخشرا.
پڕۆژەی (یەکسانی لەسەر بنەمای جۆری کۆمەڵایەتی و بەهێز کردنی تواناکانی ژنان) پڕۆژەکە بە پشتیوانی دارایی رێکخراوی (UNFPA) و سەرپەرشتی بەڕێوەبەرایەتی گشتی، یەکێک لە پڕۆژە گرنگ و کاریگەرەکانی سنوری کاری بەڕێوەبەرایەتی گشتییەو لە ماوەی‌ڕابردوودا خزمەتێکی گەورەی بە پرسی ژنان و خیزان کردووە.
|