سلێمانی / پڕۆژەی دایەنگەی باڵامبۆ لە مەڕاسیمێکی شایستەدا کرایەوە.
کوێستان موحەممەد:- " چاودێری دایەنگاکان دەکەین لە دۆخی تەندروستی و پێشێلی مافی منداڵان و بۆ ئەو مەبەستە ساڵانە ژمارەیەک دایەنگە دادەخرێن و سزا دەدرێن"
دوای تەواوبوونی پڕۆژەی دایەنگەی باڵامبۆ ، ئەمڕۆ پێنج شەممە، 16ـی تشرینی دووەمـی/2023، بە ئامادەبوونی بەڕێزان خاتوو کوێستان محەمەد ، وەزیری کارو کاروباری کۆمەڵایەتی ، د.هەڤاڵ ئەبوبەکر پارێزگاری سلێمانی ،م.ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، عەزیز سەعید بەڕێوەبەری گشتی وەبەرهێنانی سلێمانی ، ژماره‌یه‌ك له به‌رپرسان‌و كارمه‌ندانی سنوری كاری به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی ، له مه‌راسیمێكی شایسته‌دا پڕۆژەکە کرایەوە.
پاش کردنەوەی دایەنگاکە بەڕێز خاتوو کوێستان محەممەد ڕایگەیاند ، پێویستە سەرجەم پڕۆژەکانی نیشتەجێبوون دایەنگەی تێدابێت و ڕادەستی وەزارەتی کاری بکەن بەڵام ژمارەیەک پڕۆژەی نیشتەجێبوون تا ئێستا هیچ بینایەکیان ڕادەستی وەزارەتی کار نەکردووە وە لەو پڕۆژانەش دایەنگە هەبووە بڕی 800 دۆلاری لە خێزانەکان وەرگرتووە لەبەرامبەر وەرگرتنی منداڵەکەی"
لەدرێژەی وتەکەیدا وەزیری کارو کاروباری کۆمەڵایەتی دەست خۆشی لە پارێزگاری سلێمانی کرد ،کەهەمیشە پاڵپشت و پشتیوانی دامەزراوە کۆمەڵایەتیەکانی پارێزگای سلێمانیە وە سوپاسی بەڕێز (شێخ عەلی شێخ عزەدین)خاوەنی کۆمپانیای باڵامبۆ کرد، کە هاوکارە لە خزمەتکردن لە پڕۆژە خێرخوازیەکان .
پڕۆژەی دایەنگەی کۆمەڵگەی زانکۆ پڕۆژەیەکی مۆدێرنەو دەکەوێتە گەڕەکی چوارچرا ،لەلایەن کۆمپانیای باڵامبۆ لەسەر ئەرکی بەڕێز شێخ عەلی شێخ عزالدین، لەسەر ڕوبەری 1000م دووجا بە تێچووی 1,125,000 ملیار دینار دروست کراوە.